MATHAYO 25:40 - Biblia Ilagho Jiboie Kwa Wandu Wose

⁴⁰ Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

MATHAYO 25:40 ပူးပေါင်းရင်းမြစ်များ

2 SAMUELI 9:1

Nao Daudi ukaghamba, “Ngera oko mndungi usigharikie wa kivalwa cha Sauli, nipate kum'bonyera mecha kwa wundu ghwa Jonathani?”

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

2 WAZURI 4:10

Nndoko dimuaghie chumba naighu, dimmbikie wuli aho, na meza, na kifumbi, na taa; eri ngelo wacha kodu ukaieghe aho.”

MAKATANISHO 14:31

Mundu umkorongagha mkiwa, uamdukana Muumbi wake, ela uhu ummboniagha wughoma, wadam'bonyera Mlungu ishima.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

JEREMIA 39:17

Ela oho nichakukira, hata ndekuchaangirwa mikonunyi kwa awo wandu kwawuyawiobua anduangi.

MATHAYO 10:40

“Uo umkaribishagha inyo, waanikaribisha ini, na uo unikaribishagha ini, waamkaribisha uo orenidumieghe.

MATHAYO 10:42

Na uo ose uchaamneka umu wa awa watini hata kikombe cha machi gha mbeo, angu wakaia mnughi wapo, ndechaasowa mafungu ghake anduangi.”

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 25:39

Ni lii derekuwonieghe mkongo angu kifungonyi dikacha kukuzighana?’

MATHAYO 25:45

Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’

MATHAYO 28:10

Jesu ukawizera, “Msakeobua, ghendenyi muwighorie wanidu wighende Galilaya, na aho wichaniwona.”

MARKO 9:41

Angu uo ose uchaamneka inyo kikombe cha machi kwa kukaia mwakaia wa Kristo, namghoria loli, ndechaasowa ifungu jake aduangi.

LUKA 19:38

wikighamba, “Nderasimilo Mzuri uo uchagha kwa irina ja Bwana, sere ndeikaie mlungunyi, na wubaa mlungunyi aighu nandighi.”

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

WAROMA 8:29

Awo orewimanyireghe kufuma imbiri, orewisaghueghe wipate kufwanana na Mwana wake moni, eri Mwana upate kukaia wa imbiri kuvalwa aghadi ya wanidu wengi.

2 WAKORINTHO 4:5

Angu ndediwuekuchila isi diweni anduangi, ela daawuyamchila Jesu Kristo kukaia Bwana, na isi kukaia wadumiki wenyu kwa wundu ghwa Jesu.

WAGALATIA 5:13

Angu inyo wanidu morewangiloghe mkaie huru, manyenyi mseghutumie wuhuru ghonyu kwa maza ra mumbi; ela mdumikiane mmbeni na mmbeni kwa lukundo.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAEFESO 5:30

angu isi deko via va mumbi ghwake.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 JOHANE 4:20

Mndungi ukaghamba “Namkunde Mlungu,” nao uazamilwa ni mruna, mundu uo ni mtee. Angu uo uzamilwagha ni mruna ummbonagha, ndedimagha kumkunda Mlungu usemmbonagha anduangi.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.