MATHAYO 25:35 - Biblia Ilagho Jiboie Kwa Wandu Wose

³⁵ Angu nerekoghe na njala mkanineka vindo, nereomieghe mkaninyosha machi, nerekoghe mghenyi mkanikaribisha;

MATHAYO 25:35 ပူးပေါင်းရင်းမြစ်များ

1 WAZURI 17:11

Iji wawoka kughendaonda machi, Elija ukamzera, “Kunidwae na kamkate.”

AYUBU 31:32

Seremsighieghe mdambi ungi ulale achienyi; nerewikaribishireghe wose mzinyi kwapo.

MAKATANISHO 14:21

Uo ummenyagha mmbao, ni mkaung'a, ela uo ummboniagha mkiwa wughoma, uchaboilwa.

MAKATANISHO 14:31

Mundu umkorongagha mkiwa, uamdukana Muumbi wake, ela uhu ummboniagha wughoma, wadam'bonyera Mlungu ishima.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 22:9

Mundu uko na ishima ucharasimilwa, angu uwaghiagha wakiwa vindo vake.

MAKATANISHO 25:21

Ngera m'maiza wako wazughwa, mneke vindo; na ngera waoma, mneke machi ghenywa;

EZEKIELI 18:16

usemkoseragha mndungi, angu kuwusa wufunga kwa wundu ghwa kilambo chingi, angu kusoka; ela wadaneka mkiwa vindo, na kumneka nguwo mundu uko zuna.

EZEKIELI 18:7

Usekorongagha mndungi, ela wadammbunjira msile wake icho orechiwikieghe wufunga; ndesokagha, ela wadamneka vindo uo uko na njala, na kumneka nguwo uo uko na zuna.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

MATHAYO 26:11

Mokwanye na wakiwa matuku ghose, ela ini sichakaianya na inyo matuku ghose anduangi.

MARKO 14:7

Wakiwa mokwanye matuku ghose, na iji mwakunda mwadima kuwitesia; ela ndemchaakanya na ini matuku ghose anduangi.

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

JOHANE 13:29

Wamu wikaghesha wei angu Juda orekoghe ukidwa mfuko ghwa pesa, Jesu odemzera ughuo ivo vindo vikundikagha kwa ndima, angu kewada uneke wakiwa kindo chimu.

MABONYO GHA WADUMI 10:31

Ukaghamba, ‘Kornelio! Malombi ghako ghasikirwa, na makuwio ghako ghakumbukwa imbiri ya Mlungu.

MABONYO GHA WADUMI 11:29

Wanughi wikawona nicha wiwidumie wutesia waruna werekoghe wikikaia Judea kula umu seji udimagha;

MABONYO GHA WADUMI 16:15

Nao uendabaputizwa andwamweri na wandu wa nyumbenyi kwake, ukadivoya ukighamba, “Ngera mwaniwona kukaia mloli kwa Bwana, choonyi mkaie nyumbenyi kwapo.” Ukadishingira na ndighi.

MABONYO GHA WADUMI 4:32

Wandu wose wererumirieghe werekoghe na nia imweri na roho imweri, hata mndungi ndereghorieghe wei kindo chingi ni chake moni uekeri anduangi; ela werekoghe na wungara ghwa vilambo vose.

WAROMA 12:13

Funyenyi manosi kwa wundu ghwa waeli, mkulisishe kukaribisha waghenyi.

WAROMA 12:20

Wulalo ghwaro, seji Maandiko ghighambagha, “M'maiza wako ukazughwa, mneke vindo; ngera waoma, mneke machi; angu kwa kubonya huwo, uchawona waya m'baa sa maka gha modo chongonyi kwake.”

WAROMA 16:23

Gayo, uhu unikaribishire, na ikanisa jose, wamroghua. Erasto, mmbiki pesa wa muzi, na mwanidu Kuarito, wamroghua. [

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

FILEMONI 1:7

Neko na kuboilwa kubaa na kukumbwa ngolo ni lukundo lwako mwanidu, kwa kukaia kwawuyawihoresha waeli ngolo.

WAEBRANIA 13:16

Msakesigha kubonya nicha, na kuwaghiana icho muko nacho; angu vizongona sa ivo vam'boia Mlungu.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.