MATHAYO 25:33 - Biblia Ilagho Jiboie Kwa Wandu Wose

³³ uchawika ng'ondi kwa mkonu ghwake ghwa kiwomi, na mburi kwa mkonu ghwake ghwa kiwaka.

MATHAYO 25:33 ပူးပေါင်းရင်းမြစ်များ

1 WAZURI 2:19

Nao Bathsheba ukaghenda kwa mzuri Solomoni, upate kudedanya nao wulalo ghwa Adonija. Mzuri ukawuka ukwane nao, ukamghoghomia; ukawuya na kusea kidombo kifumbinyi chake cha nguma, na mae ukaredelwa kifumbi ukasea kidombo chia ya mkonu ghwake ghwa kiwomi.

ZABURI 100:3

Manyenyi kukaia BWANA ni Mlungu, nuo orediumbieghe, nesi de wake; de wandu wake, na ng'ondi ra malisha ghake.

ZABURI 110:1

BWANA oremzerieghe bwana wapo, “Sea kidombo chia ya mkonu ghwapo ghwa kiwomi, hata niwibonye wamaiza wako wikaie aisi ya maghu ghako.”

ZABURI 45:9

Aghadi ya waka wa ishima wiko mezenyi kwako, wamu wawo ni wai wa wazuri; malikia oko kimusi chia ya mkonu ghwa kiwomi ghwa kifumbi chako cha nguma, urwae dhahabu ielie nandighi.

ZABURI 79:13

Niko isi wandu wako, ng'ondi ra malisho ghako, dichakufunyira chawucha na kukukasa matuku ghose.

ZABURI 95:7

Uo ni Mlungu odu, nesi de wandu wa malisha ghake, na ng'ondi urilindiagha. Mkasikira lwaka lwake idime,

MCHILI 10:2

Mundu wa hikima kwa kawaida wadabonya agho ghiko mecha, na mkelu kubonya mawiwi.

MARKO 16:19

Nao Bwana Jesu, nyuma ya kughora nawo ukadwalwa noko aighu mlungunyi, ukasea kidombo chia ya mkonu ghwa kiwomi ghwa Mlungu.

WAEFESO 1:20

iro orerikatishireghe andenyi ya Kristo, iji oremrukishireghe kufuma kwa wafu, na kumsera kidombo chia ya mkonu ghwake ghwa kiwomi aho mlungunyi;

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.