MATHAYO 25:21 - Biblia Ilagho Jiboie Kwa Wandu Wose

²¹ Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

MATHAYO 25:21 ပူးပေါင်းရင်းမြစ်များ

MAKATANISHO 14:35

Mzuri wadaboilwa ni mdumiki uko na hikima, ela wadamneka ikabo mdumiki ubonyagha malagho gha waya.

MAKATANISHO 28:20

Mundu uko mloli uchachulwa ni marasimio, ela uo ukundagha kufugha shwa-shwa ndechaasowa adhabu.

MATHAYO 24:45

“Nani uo mdumiki uko mloli na wa akili, uo bwana wake uchaammbika aighu ya wandu wake, uwineke vindo kwa kimu charo?

MATHAYO 24:47

Namghoria loli uchammbika mdumiki uja aighu ya mali rake rose.

MATHAYO 25:23

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

MATHAYO 25:46

Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”

LUKA 12:44

Namghoria loli, uchammbika ukaie m'baa wa vilambo vake vose.

LUKA 16:10

Uo uko mloli kwa ghaja matini na ndighi, oko mloli kwa ghaja mabaa wori, na uo useko mloli kwa kaja katini na ndighi, ndeuko mloli kwa ghaja mabaa wori.

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

JOHANE 14:3

Nani ngaghenda na kum'boisira malalo, nichawuya sena nimdo cha kwapo, mpate kukaia andu nikaiagha.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

WAROMA 2:29

Ela Myahudi wa loli ni uo uko Myahudi nandenyi, na kushamishwa kwa loli ni uko kwa ngolonyi, kwa kiroho; siko kuja kwa Sharia iandikilo anduangi. Nao wadakaswa ni Mlungu, ndekaswagha ni wadamu anduangi.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 WAKORINTHO 10:18

Angu mundu nderumirilwagha kwa kukukasa uo moni anduangi, ela uarumirilwa kwa kukaswa ni Bwana.

2 WAKORINTHO 5:9

Kwa huwo, dafunga ndighi kum'boia uo; ikaiagha ngera deeka aha, angu ngera deeka noko.

WAFILIPI 1:23

Naawuyasumbulwa ni maghesho awi-awi; nakunde niende kukanya na Kristo, angu ijo jachumbie ghose;

1 TIMOTHEO 3:13

Angu awo watesia wa ikanisa widumikagha nicha, wakupatira weni ishima, na ngolo mbaa ya irumirio, jiko andenyi ya Kristo Jesu.

2 TIMOTHEO 2:12

Dikarumaghia, dichabonya nguma andwamweri nao wori. Dikamlegha, nao moni uchadilegha.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 21:7

U mundu usimagha, uchapata ifwa iji, nani nichakaia Mlungu wake, nao uchakaia mwana wapo.

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”