MATHAYO 25:16 - Biblia Ilagho Jiboie Kwa Wandu Wose

¹⁶ Nao uja mdumiki orewusireghe talanto isanu ukafuma shwa wori ukashama naro, ukapata talanto zima isanu.

MATHAYO 25:16 ပူးပေါင်းရင်းမြစ်များ

1 MALAGHO GHA NGELO 28:2

Niko Mzuri Daudi ukawuka kimusi ukaghamba: “Nisikirenyi wandu wapo; nerewonieghe niagha nyumba ewika Sanduku ya Ilaghano ja BWANA, icho kifumbi cha Mlungu chewikiria maghu ghake; ngakutumbanya to niaghe.

ISAYA 23:18

Biashara rake na mafungu ghake ghupatagha ghichawikwa wakfu kwa BWANA. Ndeghichaawikwa akiba angu kungirwa malinyi, ela mali yaro ichatumilwa kureda vindo kwa wungi, na nguwo riboie kwa awo wimuobuagha BWANA.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

MATHAYO 18:24

Hata iji wazoya kulawua, ukaredelwa umu orekoghe na sile yake talanto elfu ikumi.

MATHAYO 25:17

Na uja orewusireghe iwi, ukafuma wokoni ukashama talanto zima iwi.

LUKA 19:13

Ukawiwanga wadumiki wake ikumi na kuwineka kula umu feza yake, ukawizera, ‘Shamenyi naro hata nawuya.’

MABONYO GHA WADUMI 13:36

Angu Daudi, nyuma ya kukatisha wudumiki ghwa ngelo yake sa mpango ghwa Mlungu, orefueghe; ukatumbanywa andwamweri na weke ndee, na mumbi ghwake ghukawoa;

1 WAKORINTHO 15:10

Ela kwa mvono ghwa Mlungu, nakaia sa iji niko; na ugho mvono ghwake kwapo, ndeghorekoghe ghwa duu anduangi. Wulalo ghwaro, nabonyere kazi mbaa kuchumba wadumi wose; ima sena si ini ungi, ela ni mvono ghwa Mlungu ghuko andwamweri nani.

2 TIMOTHEO 2:6

Mlimi ubonyagha kazi kwa kufunga ndighi, nuo ufwane upate ifungu ja imbiri ja mavalo.