MATHAYO 24:6 - Biblia Ilagho Jiboie Kwa Wandu Wose

⁶ Mchasikira gha wuda na wuvoro ghwa wuda; ela msakeobua; angu suti maza iro riche, ela kuja kutua ndekulighisire.

MATHAYO 24:6 ပူးပေါင်းရင်းမြစ်များ

ZABURI 112:7

Ndeturuswagha ni kuredelwa malagho ghizamie; ngolo yake yakaia imange ukimrumiria BWANA.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 7:4

kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

JEREMIA 47:6

Mwaghamba, ‘Ai! E lufu lwa BWANA, ni lii kuchaaleka kudema? Wuya kiwonyi kwako, kuhore kima.’

EZEKIELI 21:28

“Na oho ee mwana wa mdamu, funya wulodi kughambe, ‘Bwana MLUNGU waghamba huwu aighu ya Waamoni, na aighu ya agho madukano ghawo: Lufu, lufu lwakulwa lupate kubwagha; lwazughulo, lwaawuyaaka-aka na kung'ala-ng'ala sa luhehia.

MATHAYO 2:3

Nao iji Mzuri Herode wasikira malagho agho, ukakambwa ni chongo andwamweri na wandu wose werekoghe Jerusalemu.

MATHAYO 24:14

Na iji Ilagho Jiboie ja Wuzuri jichachilwa wurumwengunyi kose kukaia wushuhuda kwa wandu wose; aho niko kutua kuchacha.

MATHAYO 26:54

Ela ikakaia huwo Maandiko ghikatishwa wada agho ghighorie angu suti maza iri rikaie?”

LUKA 21:19

Kwa kurumaghia konyu, mchakira marangi ghenyu.

LUKA 21:9

Msakeobua iji mwasikira malagho gha wuda na nganyi angu maza iro suti rizoe riche, ela kuja kutua ndekulighisire kande anduangi.”

LUKA 22:37

Angu namghoria, suti Maandiko agha ghikatie, ‘Oretaliloghe andwamweri na wakosi,’ na kula iandiko jiandikilo kwa wundu ghwapo, suti jikatisho.”

JOHANE 14:1

Niko Jesu ukawizera, “Msakeja wasi ngolonyi konyu; mrumirienyi Mlungu, nirumirienyi na ini wori.

JOHANE 14:27

“Namsighia sere, sere yapo namneka, simnekagha seji wurumwengu ghubonyagha. Msakeja wasi ngolonyi konyu, hata msakeobua.

2 WATHESALONIKE 2:2

msekambo ni chongo icho kisha, angu kusumbuka kwa ilagho jingi ja kiroho, angu kwa barua ingi iwonekagha kukaia yafuma kodu, ikiwonyera wei Ituku ja Bwana jameria kuvika.

WUFUNUO 6:4

Na farasi zima ikafuma ya mkundu tini, na uo oreijokieghe, orenekeloghe rusa einja sere ndoenyi, wandu wipate kubwaghana weni na weni; nao orenekeloghe lufu lubaa.