MATHAYO 24:30 - Biblia Ilagho Jiboie Kwa Wandu Wose

³⁰ Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

MATHAYO 24:30 ပူးပေါင်းရင်းမြစ်များ

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

ZEKARIA 12:11

Ituku ijo kililo cha Jerusalemu chichakaia kibaa sa kililo cha Hadadi-rimoni wurindinyi ghwa Megido.

MATHAYO 24:3

Hata iji Jesu wasea kidombo aighu ya Mghondi ghwa Mizeituni, wanughi wake wikamghendia njamenyi wikamkotia, “Kudighorie, maza iri richakaia lii? Na alama ya kucha kwako ni iao, na ya kuja kukatia kwa ngelo?”

MATHAYO 24:37

Sa iji erekoghe matuku gha Nuhu, niko koni ichaakaia ituku ja kucha kwake Mwana wa Mdamu.

MATHAYO 24:39

ndeweremanyireghe anduangi, hata gharika ikacha na kuwitotesha wose; niko koni kuchaakaia kucha kwake Mwana wa Mdamu.

MATHAYO 26:64

Jesu ukamzera, “Oho kwaghamba. Nani namghoria angu kufuma idana mchammbona Mwana wa Mdamu wasea kidombo chia ya mkonu ghwa kiwomi ghwa Uo Uwadie Ndighi, sena ukicha aighu ya mawingu gha mlungunyi.”

MARKO 13:26

Niko wichaammbona Mwana wa Mdamu ukicha mawingunyi kwa ndighi na wubaa mungi.

MARKO 13:4

“Welee, dighorie, maza iri richakaia lii? Sena ni alama iao ichaadiwonyera angu maza iri ralighisa kukaia?”

LUKA 21:27

Niko aho wichaammbona Mwana wa Mdamu ukicha andenyi ya iwingu uko nandighi na wubaa mungi.

LUKA 22:69

Ela kufuma idana, Mwana wa Mdamu uchasea kidombo chia ya mkonu ghwa kiwomi ghwa Mlungu Uwadie Ndighi Rose.”

MABONYO GHA WADUMI 1:11

“Wele Wagalilaya, niki mzighaniragha nokoighu cha mlungunyi? Uhu Jesu, wadwalwa cha mlungunyi kufuma konyu, uchawuya wokoni huwu sa iji koni mwammbona ukighenda cha mlungunyi.”

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.

WUFUNUO 12:1

Nao alama mbaa ikawoneka mlungunyi; muka urushiro iruwa, na mori ghuko aisi ya maghu ghake; na chongonyi kwake, korekoghe na kirumbu cha nyerinyeri ikumi na iwi.