MATHAYO 23:4 - Biblia Ilagho Jiboie Kwa Wandu Wose

⁴ Wadafunga misigo ilemere isedukikagha, na kuwidukishira wandu maweghenyi, ela awo weni ndewiiwadagha hata na chala cheni.

MATHAYO 23:4 ပူးပေါင်းရင်းမြစ်များ

ISAYA 46:1

“Milungu ya Babuloni, Beli na Nebo, iyo erekoghe ikitaswa na kughoghomelwa yasia; yadukwa ni weke punda na ng'ombe, na kurilemeresha nyamandu rasilwa.

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

MATHAYO 23:3

kwa huwo agho ghose wimzeragha, ghiwadenyi na kughibonya, ela msakebonya seji wibonyagha; angu awo wadaghora ela ndewibonyagha anduangi.

LUKA 11:46

Nao ukaghamba, “Ni bugha konyu inyo wori walimu wa Sharia, angu mwadadukishira wandu misigo ilemere, inyo mmbeni msedimagha kuiadada kwa chala cheni.

MABONYO GHA WADUMI 15:10

Idana kwaki sena mumtimagha Mlungu kwa kuwidukishira warumirii misigo, iyo weke aba hata isi diweni diseredimieghe kuiduka?

MABONYO GHA WADUMI 15:28

Angu Roho Mweli, na isi wori, dawonie nicha disemdukishire msigo ghungi mzima kuchumba agho ghiko gha suti;

WAGALATIA 6:13

Angu hata awo weni wishamishwagha ndewiiwadiagha Sharia kungi; ela wadakunda inyo mshamisho, eri wipate kukukasa kwa kummbona mkikatisha ugho mzango ghwa mumbi.

1 JOHANE 5:3

Angu ulu nilo lukundo lwa Mlungu, kukaia diiwadie memu yake. Na memu yake ndeikurie anduangi.

WUFUNUO 2:24

Ela inyo msigharikie andenyi ya Thuatira, msewuenugha agho mafundisho, hata msekufundishire iro maza wamu wawuyariwanga maza riko ndenyi ra Shetani, namzera huwu: simdukishiragha msigo ghungi mzima anduangi,