MATHAYO 23:13 - Biblia Ilagho Jiboie Kwa Wandu Wose

¹³ “Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MATHAYO 23:13 ပူးပေါင်းရင်းမြစ်များ

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

ZEKARIA 11:17

Ni bugha kwa uja mlisha wapo wa kisha! Wachisighie chagha. Wuda ghucharimeria ndighi rake putu. Mkonu ghwake ghuchaoma na iriso jake ja kiwomi jichafwa.”

MATHAYO 23:16

“Ni bugha konyu inyo vilongozi vifue meso! Angu mwadaghamba, ‘Mundu ukaghema kwa Hekalu si ilagho jingi, ela wei ukaghema kwa dhahabu ya Hekalunyi uchawadwa ni ijo ighemi.’

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

MATHAYO 23:25

“Ni bugha konyu walimu wa Sharia na Mafarisayo, waji-kuwi! Angu mwadaoghosha vikombe na sahani cha shighadi, ela nandenyi vachua ivo vindo muvipatire kwa kusoka na kukenga.

MATHAYO 23:27

“Ni bugha inyo walimu wa Sharia na Mafarisayo, waji-kuwi! Angu mwafwanana na makaburi ghikabilo chokaa, nagho ghawoneka ghighokie cha shighadi, ela kondenyi ghachua maindi gha wafu na kula wuchafu.

MATHAYO 23:29

“Ni bugha konyu inyo walimu wa Sharia na Mafarisayo, waji-kuwi! Angu mwaghiagha makaburi gha walodi na kughipamba makaburi gha wandu wa hachi;

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

LUKA 11:52

“Ni bugha konyu inyo walimu wa Sharia, angu mwaghuinjire mfunguo ghwa kumanya, inyo mmbeni ndemorengirieghe, na awo werengiagha mkawighiria.”

JOHANE 9:22

Wavi wake wereghorieghe agho kwa kuwiobua vilongozi va Wayahudi, angu ivo vilongozi werepataneghe wei, mndungi ukamghora Jesu kukaia Kristo, uwingo sunagoginyi.

JOHANE 9:24

Nao wikammbanga indo ja kawi uo mundu orevaloghe kitungure wikamzera, “Mneke Mlungu wubaa, isi daichi angu mundu uhu ni mkaung'a.”

JOHANE 9:34

Wikatumbulia, “Wele kuadifundisha isi, na oho koovailwa kaung'enyi tiki?” Nao wikammbinga noko.

MABONYO GHA WADUMI 13:8

Ela uja msawi Elima, (seji uwangwagha Kigriki) ukawitangala ukikunda kujiwunja nyuma irumirio ja uja m'baa wa isanga.

MABONYO GHA WADUMI 5:28

“Deremlaghirieghe nandighi msefundishe kwa irina iji, ela hoku mwaichura Jerusalemu yose na mafundisho ghenyu, nenyo mookunda kureda njowe ya bagha ya mundu uhu aighu yedu.”

MABONYO GHA WADUMI 5:40

wikawiwanga wadumi wingie, wikawikaba na kuwilaghira wiseghore ilagho jingi kwa irina ja Jesu, wikawisigha wighende.

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.

2 TIMOTHEO 3:8

Na sa iji koni Jane na Jambre weremtangalieghe Musa, niko koni na awo wandu wiitangalagha ija loli; wandu winonekie vongo, wiko na irumirio ja tee.

2 TIMOTHEO 4:15

Hata oho kumoni kukulindie nao, angu oreghitangalieghe nandighi madedo ghedu.