MATHAYO 22:16 - Biblia Ilagho Jiboie Kwa Wandu Wose

¹⁶ Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

MATHAYO 22:16 ပူးပေါင်းရင်းမြစ်များ

1 WAZURI 22:14

Mikaia ukaghamba, “Naghema kwa BWANA, ijo uchaanizera, nijo jeni nichaajighora.”

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

ZABURI 5:9

Wamaiza wapo ndewighoragha loli, wadakunda tu kunona, malagho ghawo gha mikalo ghashekeria wandu kufwa, chumi rawo rachua mikalo.

ZABURI 55:21

Madedo ghake gherekoghe ghidendere kuchumba turashu, ela sena wuda ghorekoghe ngolonyi kwake. Malagho ghake gherekoghe ghihorie kuchumba mavuda, ela sena ghadadema sa chufu.

MAKATANISHO 29:5

Mundu ukunde kusesea-sesea mmbao wadakuwikia mdegho.

MALAKI 2:6

Wikafundisha mafundisho gha loli, hata si agho ghiseko gha loli. Wikakaia wecha kwapo, na kutesia wandu kusigha mawiwi.

MALAKI 2:9

Kwa wundu ugho, nicham'bonya mmenyeke kwa wandu wa Israeli, angu msesikiragha malaghiro ghapo, nenyo mwaawuyafundisha kwa kutala wandu.”

MATHAYO 22:24

“Mwalimu, Musa oreghambieghe, ‘Ngera mundu wafwa nao wasigha muka usewadie mwana ungi, uo mundu mruna, suti ummbuse uja muka umvaie mruna wana.’

MATHAYO 22:26

Huwo koni uja wa kawi na wa kadadu hata wose mfungade wikasia.

MATHAYO 26:18

Ukawitumbulia, “Ghedenyi mzinyi, nyumbenyi kwa mndumu mumzere, ‘Mwalimu waghamba, ngelo yapo yavika; nichaija Pasaka na wanughi wapo nyumbenyi kwako.’”

MATHAYO 26:49

Niko Juda ukamchea Jesu shwa wori ukamzera, “Sere ndeikaie kwako Mwalimu.” Nao ukamsusugha.

MARKO 10:17

Hata iji Jesu wazoya charo chake, mundu umu ukamghendia na iseghe, ukamdungia ngokoro, ukamkotia, “Mwalimu mucha, yanifwana nibonye ilaghoki ima nipate ifwa ja irangi ja kala na kala?”

MARKO 12:13

Nao Mafarisayo wamu na Wanjama wa Herode wikadumwa wimdeghe Jesu kwa madedo ghake.

MARKO 12:14

Nawo wiendavika, wikamzera, “Mwalimu, dakumanya oho koko mloli, hata ndekuobuagha angu kutala wubaa ghwa mndungi anduangi, ela kwadafundisha kwa loli chia ya Mlungu. Welee, keni ni hachi kulipa kodi kwa Kaisari angu siko kungi?

MARKO 3:6

Nao ahoeni Mafarisayo wikafuma wikabonya njama na Wanjama wa Herode, seji widimagha kum'bwagha Jesu.

MARKO 8:15

Jesu ukawilaghira ukighamba, “Zighanenyi mkulindie na chachu ya Mafarisayo na ya Herode.”

LUKA 20:21

Nao awo washeki wikamzera, “Mwalimu, dakumanya kwadaghora na kufundisha kwa hachi, hata ndekutalagha mndungi, ela kwadafundisha chia ya Mlungu kwa loli.

LUKA 7:40

Nao Jesu ukaghamba, “Simoni, neko na ilagho jekughoria.” Nao ukatumbulia, “Ghora Mwalimu.”

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 7:18

Mundu udedagha kwa nguma rake reni wadalola wubaa ghwake moni. Ela uo ulolagha wubaa ghwa uo oremdumieghe, wadakaia mloli, hata ndekuwadie mikalo ingi andenyi kwake anduangi.

2 WAKORINTHO 2:17

Angu isi, ndediko sa wandu wamu wengi witumiagha ilagho ja Mlungu kwa fwaida rawo weni anduangi, ela deko sa wandu wa loli widumilo ni Mlungu; dadeda imbiri ya Mlungu andenyi ya Kristo.

2 WAKORINTHO 4:2

Ela darilegha iro chia rivisikie ra waya, na kulegha kughenda na mikalo, hata ndedikunde kujighalusa ilagho ja Mlungu anduangi. Ela dadeda worinyi malagho gha loli, eri kula mundu udimanye seji diko imbiri ya Mlungu.

2 WAKORINTHO 5:16

Kwa huwu kufuma idana, ndedimmanyagha mndungi kwa kunugha seji uwonekagha anduangi; hata ngera deremmanyireghe Kristo kunughana na seji orekoghe ukiwoneka, ndediduagha dikimmanya huwo anduangi.

WAGALATIA 1:10

Wele naawuyakunda kukaswa ni wandu, angu ni Mlungu? Anguu, huwu naawuyatima kuwiboia wandu? Ngera nadadua ngiwiboia wandu, kumangu seredimagha kukaia mdumiki wa Kristo anduangi.

WAGALATIA 2:6

Na awo weretaliloghe sa wabaa (elaima ini siwonagha wuchumbano ghungi aighu ya seji werekoghe. Mlungu ndemtalagha mndungi kuchumba mmbao anduangi) ini niaghamba awo werekoghe wabaa, ndewerenichurieghe kindo chingi anduangi.

WUKUMBUSO 33:9

Werewonyereghe wuloli m'baa kwako, kuchumba wavi, waruna, angu wana. Wererisikireghe sharia rako wikamaziria kwa wuloli malaghano ghako.

1 WATHESALONIKE 2:4

ela sa iji koni dererumiriloghe ni Mlungu kukaia dafwane kujidwa ijo Ilagho Jiboie, niko koni dighoragha, si sa kuwiboia wandu anduangi, ela dadajighora kwa kum'boia Mlungu; uo umanyagha ngolo ra wandu.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.