MATHAYO 22:13 - Biblia Ilagho Jiboie Kwa Wandu Wose

¹³ Nao mzuri ukawizera waja wadumiki, ‘Mfungenyi mikonu na maghu, mumkumbe kwa kira chiko shighadi; aho kuchakaia kulila na kuja maghegho.’

MATHAYO 22:13 ပူးပေါင်းရင်းမြစ်များ

ZABURI 112:10

Mundu mmbiwi wadawona agho na kujokwa ni machu; wadazugha mizu na kughenda chia rake; bea ya mundu mmbiwi ndeikatishwagha.

ZABURI 37:12

Mmbiwi wadabonya mpango ghom'bonya mhachi kiwiwi, na kuja maghegho aighu yake.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

DANIELI 3:20

Ukawilaghira wandu wamu wiwadie ndighi wa ijeshi jake, wiwifunge Shadraka, na Meshaki, na Abednego, na kuwikumba andenyi ya jija iwiwi ja modo.

MATHAYO 12:29

“Angu idimika wada mundu kuingia nyumba ya mundu uko nandighi umsoke mali rake, usemfungie kande uja mundu uko na ndighi? Niko uchadima kumsoka mali rake.

MATHAYO 13:30

Sighenyi rizoghuanye chiaimweri hata ngelo ekuwida. Ngelo iyo nichawizera awo wikuwidagha, zoenyi muinje isaka, mujifunge mafungu mafungu, eri jichekorwa. Ela ngano ikwanyenyi muingire nganyenyi kwapo.’”

MATHAYO 13:42

wiwikumbe kwa iwiwi ja modo ghubirie, na aho wichalila na kuja maghegho.

MATHAYO 13:50

wiwikumbe awo wawiwi kwa iwiwi ja modo ghubirie. Aho wichalila na kuja maghegho.”

MATHAYO 24:51

Uchamdumbua vipande vipande, na kummbika chiaimweri na waji-kuwi. Aho kuchakaia na kililo na kuja maghegho.

MATHAYO 25:30

Na idana uhu mdumiki usene fwaida, mkumbenyi kwa kira chiko shighadi. Aho kuchakaia na kulila na kuja maghegho.’

MATHAYO 8:12

Ela awo werefwaneghe kungia kwa Wuzuri ugho, wichakumbwa shighadi kirenyi; aho wichalila na kuja maghegho.”

LUKA 13:28

Aho mchalila na kuja maghegho ghenyu, iji mchaammbona Abrahamu, Isaaka, na Jakobo, na walodi wose andenyi ya wuzuri ghwa Mlungu, na inyo mmbeni mwadeghwa shighadi.

JOHANE 21:18

Nakughoria loli, iji korekoghe mdawana, korekufungieghe kumoni mkowa ghwako, na kughenda andu uko kose korekundieghe; ela iji kwaghosia, kuchaighorua mikonu yako, na mundu mzima uchakufunga na kukudwa andu kusekunde.”

MABONYO GHA WADUMI 21:11

Nao uendadichea, ukawusa mkumbo ghwa Paulo, ukakufunga moni maghu na mikonu ukaghamba, “Roho Mweli waghamba huwu, ‘Mundu wa mkumbo ughu, uchafungwa kwa chia ihi ni Wayahudi wiko Jerusalemu; na kumfunya kwa wandu wa mbari zima.’”

MABONYO GHA WADUMI 7:54

Nao iji wandu wa mwandu weresikireghe malagho agho, wikajokwa ni machu loli-loli, na kuja maghegho ghawo aighu yake.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

2 PETRO 2:17

Awa wandu weeka sa ndoria ra machi riomie, na sa makungughu ghidukwagha ni mbeo. Wamerie kuwikilwa kira kibaa.

2 PETRO 2:4

Mlungu nderewilekieghe awo weke malaika werebonyereghe kaung'a, ela orewikumbieghe jehanamunyi, na kuwingira andenyi ya vina viko ndenyi va kira; andu wawuyawikwa hata Ituku ja Kutanywa.

JUDA 1:13

Wafwanana na mivo-mivo ya bahari iwadie ndighi, na mabonyo ghawo gha waya ghawoneka sa ifuo jaro jidikagha; wakaia sa nyerinyeri rimaraa-mara, nawo wawikilo kira kibaa cha kala na kala.

JUDA 1:6

Na awo weke malaika wisererilindirieghe nguma rawo, ela werefumieghe andu werekoghe wikikaia, Mlungu orewifungieghe na minyororo ya kala na kala na kuwiwika andu kwa kira hata Ituku ibaa ja kutanywa.

WUFUNUO 21:27

Ela kindo chingi chiseelie ndechichaangia andenyi yaro, hata mundu ubonyagha maza rizamie angu ughoragha tee; ela awo wandu weni wiandikilo andenyi ya chuo cha Mwana wa Ng'ondi.