MATHAYO 21:5 - Biblia Ilagho Jiboie Kwa Wandu Wose

⁵ “Ghughorienyi muzi ghwa Sioni, hoyu mzuri wako wakuchea, wa mboa, wajoka aighu ya punda na punda mtini, mwana wa punda.”

MATHAYO 21:5 ပူးပေါင်းရင်းမြစ်များ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

2 SAMUELI 16:2

Mzuri ukamzera Siba, “Kwaki kwareda ivi vilambo?” Siba ukatumbulia, “Awa weke punda ni kwa wundu ghwa wandu wa mzuri wiwijoke, mkate na matunda ni kwa wundu ghwa wandu wa irika wije, na divei ni kwa wundu ghwa awo wichaazimia kireti wipate kunyoshwa.”

1 WAZURI 1:33

Nao mzuri ukawizera, “Wadenyi wabaa wapo, mumsereshe kidombo mwana wapo Solomoni aighu ya nyumbu yapo cheni, msee nao hata Gihoni;

1 WAZURI 10:26

Solomoni ukatumbanya magare na farasi. Orekoghe na magare elfu na maghana ana na farasi elfu ikumi na iwi. Ukariwika rimu Jerusalemu na rimu mizi mizima.

ZABURI 9:14

eri nipate kughieresha makaso ghako, andenyi ya muzi ghwa Jerusalemu; na aho niboilo andenyi ya kukia kwako.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 62:11

Olenyi BWANA wamerie kughora hata kutua kwa ndoenyi, Ghorienyi muzi ghwa Jerusalemu, “Ola kukia kwako kwaawuyacha, na malipo gha Mlungu oko nagho kuwilipa wandu wake.”

EZEKIELI 34:24

Na ini BWANA nichakaia Mlungu wawo, na mdumiki wapo Daudi uchakaia m'baa wawo; ini BWANA najighora ilagho ijo.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

HOSEA 1:7

Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

MITALO 24:19

Wuzuri ghuchawadilwa ni kivalwa cha Israeli, na awo wisigharikagha andenyi ya mizi mibaa, wichatoteshwa!”

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MATHAYO 2:2

wikakotia, “Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.”

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

MATHAYO 21:6

Nao waja wanughi wikaghenda na kubonya sa iji koni Jesu orewilaghirieghe,

LUKA 24:27

Niko ukawitambuya maza rose riandikilo kwa wundu ghwake ukizoya na vuo va Musa na va walodi wose.

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

2 WAKORINTHO 10:1

Idana ini moni Paulo, niwonekagha wa mboa iji nikwanye nenyo, ela nibirie iji niko kula; namvoya kwa wumboa na nicha ya Kristo,

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

WATANYI 12:14

Orekoghe na wana mirongo ina, na weke wawae mirongo idadu; werejokagha weke punda mirongo mfungade; ukatanya Israeli kwa miaka wunyanya.

WATANYI 5:10

“Ghorenyi malagho gharo inyo wajoki weke punda wa chokwa, inyo mseriagha mito ighokie; na inyo mghendagha kwa maghu chienyi.