MATHAYO 21:43 - Biblia Ilagho Jiboie Kwa Wandu Wose

⁴³ “Niko huwu namzera, Wuzuri ghwa Mlungu ghuchainjwa konyu ghuneko mbari zima ivagha matunda gharo.” [

MATHAYO 21:43 ပူးပေါင်းရင်းမြစ်များ

KUFUMA 19:6

nenyo mchakaia kwapo wuzuri ghwa wakohani, na mbari ya wueli. Agha nigho malagho kuchaawighoria wana wa Israeli.’”

ISAYA 26:2

Rughuonyi mbenge raro, eri iyo mbari ya hachi, iyo ijiwadiagha ijo irumirio, ipate kungia.

ISAYA 28:2

Olenyi BWANA oko na mundu umu wake uko ing'oni jiwadie ndighi; uchagha kuwikaba sa kiremba cha vua ya magho inonagha, karakara na kiremba kibaa chiwadie ndighi na machi mengi ghidikagha kwa wungi na kuidwa ndoe.

MATHAYO 12:28

Ela ikakaia nadariwinga pepo kwa ndighi ra Roho wa Mlungu, huwo mmanye angu wuzuri ghwa Mlungu ghwameria kumchea.

MATHAYO 21:41

Wikamtumbulia, “Uchawitirira na kuwibwagha; na mbuwa ya mizabibu uchaipangisha wazima, awo wichaadima kumpatira makuwido gha zabibu kwa kimu charo.”

MATHAYO 21:42

Aho Jesu ukawizera, “Welee, jingi ndemshomie sa iji iandikilo: ‘Igho jerelegheloghe ni waaghi, nijo jeni jiwurie ibaa ja mbembenyi. Na iji ni ibonyo ja Bwana moni, najo jakaia ja mashiniko mesonyi kodu.’

MATHAYO 21:44

Uo ose uchaaghwa aighu ya igho ijo uchachika vipande vipande, na uo jimghuyagha jichamsaghisa.]

JOHANE 3:3

Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

JOHANE 3:5

Jesu ukamtumbulia, “Nakughoria loli, ngera mundu usevalo kwa machi na Roho, ndedimagha kungia kwa wuzuri ghwa Mlungu anduangi.

1 WAKORINTHO 13:2

Na ngera nakaia nandighi ra wulodi, na kutambua ngasu rose, na kumanya kose; na ngera nakaia na irumirio jikatagha kuinja mighondi, nani siwadie lukundo, se kilambo chingi.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.