MATHAYO 21:35 - Biblia Ilagho Jiboie Kwa Wandu Wose

³⁵ Nao walimi wikawada wadumiki wake, umu wikamkaba, na umu wikam'bwagha, na mzima wikamlasa na magho.

MATHAYO 21:35 ပူးပေါင်းရင်းမြစ်များ

1 WAZURI 18:13

Wele bwana wapo, ndekughorelo jingi seji ini mdumiki wako nerebonyereghe ingelo Jezebeli orekoghe ukiwibwagha walodi wa BWANA; seji nerewivisireghe walodi wa BWANA ighana jimweri, ngawivisa mbangenyi mirongo-misanu mirongo-misanu, na kuwijisha vindo na machi?

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

1 WAZURI 19:2

Niko Jezebeli ukaduma momu kwa Elija ukighamba, “Naghema milungu inibwaghe ngera kesho ngelo sa ihi nisekubonyere agho kuwibonyere walodi wa Baali.”

1 WAZURI 22:24

Niko mlodi Zedekia mwana wa Kenaana ukasoghoda kaavui, ukamkaba Mikaia na lui lwa idumbu ukamzera, “Roho wa BWANA wafumie kwapo lii ima ukachaghora na oho?”

2 MALAGHO GHA NGELO 16:10

Niko Asa ukajokwa ni machu aighu ya mlodi, ukamfunganya na vilingo va mudi, na kumngira jela, angu orekoghe na machu mabaa kwa wundu ghwa ilagho ijo. Ngelo iyo cheni, Asa ukawikoronga wandu wamu na ndighi.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 26:8

Jeremia uendameria kughora malagho ghose orelaghiriloghe ni BWANA kwa wandu wose, wakohani, na walodi, na wandu wose, wikammbwada wikighamba, “Kuchafwa!

JEREMIA 37:15

Wabaa wikajokwa ni machu aighu ya Jeremia, wikamkaba na kumfunga andenyi ya nyumba ya muandiki Jonathani, angu niyo erebonyeroghe ikaie kifungo.

MATHAYO 21:34

Hata iji kimu cha makuwido chavika, ukawiduma wadumiki wake kwa walimi upate ifungu jake ja makuwido.

MATHAYO 21:36

Ukaduma wadumiki wamu sena wengi kuchumba waja wa imbiri. Nawo weni wikawibonyera wokoni.

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;