MATHAYO 21:31 - Biblia Ilagho Jiboie Kwa Wandu Wose

³¹ Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

MATHAYO 21:31 ပူးပေါင်းရင်းမြစ်များ

AYUBU 15:6

Siwuekutanya, ela kwaawuyatanywa ni madedo ghako gheni; madedo ghako gheni ghakushuhudia.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

MATHAYO 18:3

ukawizera, “Namghoria loli, ngera mseghalukagha na kuwuya sa wanake watini, jingi ndemchaangia kwa wuzuri ghwa mlungunyi anduangi.

MATHAYO 20:16

Nao Jesu ukameria ukighamba, “Niko huwo wa kutua wichakaia wa imbiri, na wa imbiri wikaie wa kutua.”

MATHAYO 21:30

Nao ukamghendia uja wa kawi ukamzera ghaja malagho gheni. Nao ukatumbulia, ‘Niaghenda mghosi.’ Ela ndereghendieghe anduangi.

MATHAYO 5:18

Nani namghoria loli, hata mlungunyi na ndoenyi kwaida, kalagho kangi angu ifungu itini nandighi ja Sharia ndejichaainjwa hata ghose ghikatisho.

MATHAYO 5:46

Welee, mchapata inosi jiao kwa kuwikunda awo wimkundagha inyo, ikakaia hata na wawadi wushuru wadabonya wokoni?

MATHAYO 6:5

“Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

MATHAYO 7:21

“Si kula mundu uniwangagha ‘Bwana, Bwana’ uchaangia kwa wuzuri ghwa Mlungu anduangi; ela ni uo ulubonyagha lukundo lwa Aba uko mlungunyi.

MATHAYO 9:9

Nao Jesu ukafuma aja, hata iji orekoghe ukiida, ukammbona mmbwadi wushuru umu uwangwagha Mathayo, wasea kidombo ofisinyi kwake; ukamzera, “Ninughe.” Nao ukawuka ukamnugha.

LUKA 15:10

Namghoria, huwo koni koko na kuboilwa kwa weke malaika wa Mlungu, kwa wundu ghwa mkaung'a umweri uheagha.”

LUKA 19:22

Ukamzera, ‘Mdumiki mmbiwi oho, nichakutanya kwa malagho ghako gheni; korenimanyireghe neko mundu ubirie, niwusagha iro riseko rapo, na kukuwida ivo nisereviwaeghe.

LUKA 7:29

Nao wandu wose chiaimweri na wawadi wushuru iji wasikira agho, wikairumiria hachi ya Mlungu angu werebaputiziroghe kwa wubaputizo ghwa Johane.

JOHANE 3:3

Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

JOHANE 3:5

Jesu ukamtumbulia, “Nakughoria loli, ngera mundu usevalo kwa machi na Roho, ndedimagha kungia kwa wuzuri ghwa Mlungu anduangi.

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

WAROMA 3:19

Idana damanya angu ijo jose Sharia ighoragha, yaghora na awo wiko aisi ya Sharia; eri mndungi usepate jekudederia, na wurumwengu ghose ghupate kukaia aisi ya kutanya kwa Mlungu.

WAROMA 5:20

Sharia erechieghe kuchuria makosa, ela andu kaung'a ichurikie, mvono nagho ghorechurikieghe kuchumba;

2 PETRO 3:9

Bwana ndemukagha kukatisha ilaghiro jake seji wamu wigheshagha wei umuka; ela waawuyarumaghia kwa wundu ghonyu. Ndewuekunda mndungi utote, ela ookunda wandu wose wivikie kuhea.