MATHAYO 21:26 - Biblia Ilagho Jiboie Kwa Wandu Wose

²⁶ Sena dikaghamba, ‘Kufuma kwa wadamu’, diaobua wandu angu weremrumirieghe Johane kukaia mlodi.”

MATHAYO 21:26 ပူးပေါင်းရင်းမြစ်များ

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

MATHAYO 11:9

Idana moreghendieghe kuwona kii? Ni mlodi? Ee, kwa loli ni kuchumba mlodi.

MATHAYO 14:5

Herode ukakunda kum'bwagha Johane, ela ukawiobua wandu angu weremrumirieghe Johane kukaia mlodi.

MATHAYO 21:11

Wandu wiko izungunyi wikatumbulia, “Uhu ni uja mlodi Jesu ufumie Nazareti muzi ghwa Galilaya.”

MATHAYO 21:25

Welee, nguma ya Johane ebaputiza erefumieghe hao? Edefuma mlungunyi angu kwa wadamu?” Nao wikatumbuliana weni na weni, “Dikaghamba, ‘Kufuma mlungunyi’, uchadizera ‘Kwaki sena mseremrumirieghe?’

MATHAYO 21:27

Nao wikamtumbulia Jesu “Ndedimanyire.” Nao moni ukawizera, “Na ini simghoriagha ngera nabonyagha maza iri kwa nguma yani.”

MATHAYO 21:46

Nawo iji werekundieghe kummbwada, wikawiobua wandu angu weremrumirieghe Jesu kukaia mlodi.

MARKO 11:32

Na dikaghamba, ‘Edefuma kwa wadamu.’” (Werewiobueghe wandu, angu wandu wose weremrumirieghe Johane kukaia mlodi wa loli.)

MARKO 12:12

Nao vilongozi va Wayahudi wikakunda kummbwada, kwa kukaia weremanyireghe angu mfwano ugho ni kwa wundu ghwawo. Ela wikaobua izungu, wikamsigha na kughenda chia rawo.

MARKO 6:20

Herode oremuobueghe Johane, ukimmanya angu oko mundu wa hachi, na mweli, ukamlindia. Hata ngera kuja kusikira machilo gha Johane koremkambirieghe chongo, ela sena orekoghe ukimsikiria kwa kuboilwa.

LUKA 20:19

Walimu wa Sharia na wakohani wabaa weremanyireghe angu Jesu oreghorieghe mfwano ugho kwa wundu ghwawo, wikakunda kummbwada ija ngelo cheni, ela werewiobueghe wandu.

LUKA 20:6

Sena dikaghamba, ‘Edefuma kwa wadamu,’ wandu wose wichadilasa na magho, angu weremrumirieghe Johane kukaia mlodi.”

LUKA 22:2

Wakohani wabaa na walimu wa Sharia werekoghe wikilola chia em'bwagha Jesu, angu werewiobueghe wandu.

JOHANE 5:35

Johane orekoghe sa taa iakagha na kulangalishira mwengere, nenyo kwa ngelo vui morekoghe mkiboilwa kwa mwengere ghwake.

JOHANE 9:22

Wavi wake wereghorieghe agho kwa kuwiobua vilongozi va Wayahudi, angu ivo vilongozi werepataneghe wei, mndungi ukamghora Jesu kukaia Kristo, uwingo sunagoginyi.

MABONYO GHA WADUMI 5:26

Nao uja m'baa wa walindiri andwamweri na watini wake, wikaghenda na kuwireda wadumi; ela si kwa ndighi, angu wereobueghe kulaswa na magho ni wandu.