MATHAYO 21:1 - Biblia Ilagho Jiboie Kwa Wandu Wose

¹ Hata iji Jesu na wanughi wake werekoghe kaavui na Jerusalemu, wikavika Bethfage kwa Mghondi ghwa Mizeituni; niko Jesu ukawiduma wawi wa wanughi wake,

MATHAYO 21:1 ပူးပေါင်းရင်းမြစ်များ

ZEKARIA 14:4

Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi.

MATHAYO 20:34

Jesu ukawadwa ni wughoma, ukawiadada meso ghawo; nao ahoeni wikawona wikamnugha Jesu.

MATHAYO 21:2

ukawizera, “Ghendenyi ghuja muzi ghuko imbiri konyu, nao ahoeni mchawona punda ufungilo na mwanwake. Wifunguonyi muniredie.

MATHAYO 24:3

Hata iji Jesu wasea kidombo aighu ya Mghondi ghwa Mizeituni, wanughi wake wikamghendia njamenyi wikamkotia, “Kudighorie, maza iri richakaia lii? Na alama ya kucha kwako ni iao, na ya kuja kukatia kwa ngelo?”

MATHAYO 26:30

Nao wiendabora lumbo, wikafuma wikaghenda cha Mghondi ghwa Mizeituni.

MARKO 13:3

Nao iji Jesu orekoghe kidombo aighu ya Mghondi ghwa Mizeituni, chija kimonu kulangaya cha Hekalunyi, Petro, Jakobo, Johane, na Andrea, wikamruda njama wikamkotia,

MARKO 14:26

Nao iji wameria kubora lumbo, wikafuma, wikaghenda cha Mghondi ghwa Mizeituni.

LUKA 21:37

Na kula ituku, Jesu orekoghe ukifundisha Hekalunyi, ela nakio orekoghe ukifuma kwendalala aighu ya Mghondi ghwa Mizeituni.

LUKA 22:39

Nao Jesu ukafuma, na sa iji koni mzango ghwake ghorekoghe, ukaghenda cha Mghondi ghwa Mizeituni, na wanughi wake wikamnugha.

JOHANE 8:1

ela Jesu ukajoka cha Mghondi ghwa Mizeituni.

MABONYO GHA WADUMI 1:12

Nao wadumi wikawuya Jerusalemu kufuma mghondinyi ghuwangwagha Mghondi ghwa Mizeituni, kaavui na Jerusalemu sa charo cha kilometa imweri.