MATHAYO 20:26 - Biblia Ilagho Jiboie Kwa Wandu Wose

²⁶ Ela konyu ndeichaakaia huwo anduangi, ela uo ose uchaakunda kukaia m'baa konyu, suti ukaie mdumiki onyu.

MATHAYO 20:26 ပူးပေါင်းရင်းမြစ်များ

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

MATHAYO 20:27

Na uo uchaakunda kukaia wa imbiri konyu, suti ukaie mzumba onyu.

MATHAYO 25:44

Nawo wichamtumbulia, ‘Ni lii dikuwonie na njala angu na kau, kuko mghenyi angu kuko duu, kuko mkongo angu kifungonyi, dikalegha kukutesia?’

MATHAYO 27:55

Wokoni korekoghe na waka walazi aho werekoghe wikizighanira kwa kula, awo weremnughieghe Jesu kufuma Galilaya wikimdumikia.

MARKO 10:43

Ela konyu isekaie huwo anduangi; ela uo ose ughambagha ukaie m'baa konyu suti uwuye mdumiki onyu.

MARKO 10:45

Angu uja Mwana wa Mdamu wori nderechieghe kudumikilwa anduangi, ela kudumika uo moni, na kufunya irangi jake jikaie wukomboli kwa wengi.”

MARKO 9:35

Jesu ukasea kidombo, ukawiwanga waja wanughi wake ikumi na wawi, ukawizera, “Ngera mndungi wakunda kukaia imbiri, suti ukaie nyuma ya wose na mdumiki wa wose.”

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

LUKA 22:26

Ela konyu inyo ndemchaakaia huwo anduangi; angu uo uko m'baa konyu, uchakaia sa mtini, na kilongozi uchakaia sa mdumiki.

JOHANE 18:36

Jesu ukamtumbulia, “Wuzuri ghwapo si ghwa wurumwengu ughu anduangi. Ngera wuzuri ghwapo ghodeeka ghwa wurumwengu ughu, kumangu wadumiki wapo wabonya wuda, eri nisewado ni Wayahudi; ela wuzuri ghwapo si ghwa wurumwengu anduangi.”

MABONYO GHA WADUMI 13:5

Wiendavika Salamisi, wikachila Ilagho ja Mlungu andenyi ya sunagogi ra Wayahudi. Na Johane orekoghe mtesia wawo.

2 WAKORINTHO 1:24

Si angu wei daawuyajibonyera nguma irumirio jenyu, ela dabonya kazi chiaimweri nenyo kwa wundu ghwa kuboilwa konyu, angu inyo mwamange kwa irumirio jenyu.

2 TIMOTHEO 1:18

Bwana ndemneke kufuilwa wughoma Ituku ja Bwana. Hata oho kumoni kwaichi nandighi ugho wudumiki ghose oreghubonyereghe aja Efeso.

FILEMONI 1:13

Naboilwagha ngera nadakanya nao, upate kunidumikia wulalo ghwako ingelo niko kifungonyi kwa wundu ghwa Ilagho Jiboie.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

1 PETRO 5:3

si sa wandu m'bonyagha nguma aighu ya awo wiko aisi yenyu, ela mkaie fwana kwa chagha.

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.