MATHAYO 20:19 - Biblia Ilagho Jiboie Kwa Wandu Wose

¹⁹ sena wichamfunya kwa wandu wa mbari zima, nawo wichamseka na kumkaba na viboko, na kumsulubisha, ela ituku ja kadadu ucharuka.”

MATHAYO 20:19 ပူးပေါင်းရင်းမြစ်များ

AYUBU 30:8

Awo ni wandu wa kisha wisefwanagha; wandu wiwingilo isangenyi.

ZABURI 35:16

Werenisekieghe sa wandu wiseko na kuobua kwa Mlungu, wikaja maghegho aighu yapo wikizamilwa.

ISAYA 26:19

Wafu wako wichakaia moyo, mimbi yawo icharuka. Inyo wandu mkaiagha makaburinyi; wukenyi mmbore kwa kuboilwa! Kwa kukaia mami ghako BWANA ni gha mwengere; nagho kuchawinyeshera awo wafu wifue kokala.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

HOSEA 6:2

Nyuma ya matuku awi uchadirukisha, na ituku ja kadadu uchadimangisha, dipate kukaia kimusi imbiri kwake.

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

MATHAYO 16:21

Kufuma ngelo iyo, Jesu ukazoya kuwighoria wanughi wake worinyi, “Ni suti ini nighende Jerusalemu, na aho nichatirirwa maza nyingi ni waghosi, wakohani wabaa, na walimu wa Sharia. Nichabwaghwa, ela ituku ja kadadu nicharukishwa.”

MATHAYO 17:23

Wicham'bwagha, ela ituku ja kadadu ucharuka.” Wanughi wake wikangilwa ni wasi loli-loli.

MATHAYO 27:26

Niko ukawifunguya Baraba; ela Jesu nyuma ya kumkaba na viboko, ukamfunya kwawo usulubisho.

MATHAYO 27:63

wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’

MARKO 14:65

Wandu wamu wikawoka kumchuya mada, na kumfinikira wushu ghwake na kumkaba wikimzera, “Loda! Nani wakukaba?” Nao walindiri wikammbusa wikimkaba na chui.

MARKO 15:1

Hata nakesho kio, wakohani wabaa, waghosi, walimu wa Sharia na wandu wa mwandu wose, wikabonya njama chia imweri, wikamfunya Jesu na kumghenja kwa Pilato.

MARKO 15:15

Niko Pilato, ukikunda kuwiboia wandu, ukawifunguya Baraba. Ela umeria kumkaba Jesu ukamfunya kwawo usulubisho.

LUKA 18:32

Angu uchafunywa kwa wandu wa mbari zima, nawo wichamseka, wicham'bonya kiwiwi, na kumchuya mada;

LUKA 23:11

Niko Herode andwamweri na masikari ghake wikamseka Jesu na kumsholia, wikamrusha nguwo iboie, wikammbunja kwa Pilato.

LUKA 24:46

Ukawizera, “Huwo niko iandikilo kukaia yamfwana Kristo utiriro, na ituku ja kadadu uruke kufuma kwa wafu.

MABONYO GHA WADUMI 2:23

Uo Jesu, orefunyiroghe konyu kwa mpango tiki ghoremanyikieghe kwa Mlungu; nenyo mkamsulubisha na kum'bwagha kwa mikonu ya wandu wawiwi.

MABONYO GHA WADUMI 21:11

Nao uendadichea, ukawusa mkumbo ghwa Paulo, ukakufunga moni maghu na mikonu ukaghamba, “Roho Mweli waghamba huwu, ‘Mundu wa mkumbo ughu, uchafungwa kwa chia ihi ni Wayahudi wiko Jerusalemu; na kumfunya kwa wandu wa mbari zima.’”

MABONYO GHA WADUMI 4:27

Angu loli Herode na Pontio Pilato, chiaimweri na wandu wa mbari zima na Waisraeli, werekwanyikieghe andenyi ya muzi ughu wilo na mdumiki wako Jesu, uo koremshingieghe mavuda.