MATHAYO 2:13 - Biblia Ilagho Jiboie Kwa Wandu Wose

¹³ Nao iji wameria kughala, malaika wa Bwana ukamfutukia Josefu ndodonyi ukamzera, “Wuka kummbwade mwana na mae, mkimbirie Misri, mkaie ahoeni hata namghoria; angu Herode uchamlola mwana upate kum'bwagha.”

MATHAYO 2:13 ပူးပေါင်းရင်းမြစ်များ

1 WAZURI 11:17

Ela Hadadi uko mwana mtini chiaimweri na wadumiki wamu wa ndee, werekimbirieghe cha Misri.

1 WAZURI 3:5

Nao ahoeni Gibeoni, BWANA ukamfutukia Solomoni ndodonyi nakio; Mlungu ukamzera, “Nilombe icho chose kukunde nikuneke.”

AYUBU 33:15

Mlungu wadedagha kwa ndodo, na kwa mawono nakio; ngelo wandu walala dilo nyingi mawulinyi kwawo.

AYUBU 33:17

Mlungu wadaghora nawo eri wisighe kaung'a, na kuwikira kufuma kwa kukukasa kwawo.

KUFUMA 1:22

Mzuri ukawilaghira Wamisri ukighamba, “Kula mwana wa womi uchaavalwa kwa Waebrania, mumkumbe modenyi ghwa Naili, ela kula mwana wa waka mchamsigha ukaie moyo.”

MATHAYO 1:20

Nao iji orekoghe ukighiririkanya malagho agho, malaika wa Bwana ukamfutukia kwa ndodo ukamzera, “Josefu mwana wa Daudi, kusakeobua kummbusa mkako Maria, angu kifu uko nacho ni kwa ndighi ra Roho Mweli.

MATHAYO 10:23

“Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

MATHAYO 2:12

Nawo wiendawonyerwa ni Mlungu kwa ndodo wisakewuya kwa Herode, wikaghala cha mzawo kwa chia zima.

MATHAYO 2:14

Josefu ukawuka ukammbwada mwana na mae, ukafuma nakio kughenda Misri.

MATHAYO 2:16

Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri.

MATHAYO 2:22

Ela iji Josefu wasikira angu Arikelao wabonyero kukaia mzuri wa Judea wulalo ghwa ndee Herode, ukaobua kughenda aho, nao umeria kuwonyerwa ndodonyi, ukaghenda cha isanga ja Galilaya,

MABONYO GHA WADUMI 10:22

Nao wikaghamba, “Kornelio, m'baa wa ijeshi, mundu wa hachi, umuobuagha Mlungu, uko na sare iboie kwa mbari yose ya Wayahudi; orezereloghe ni malaika mweli ukudumirie kughende nyumbenyi kwake, upate kusikira agho ghose kuchaaghora.”

MABONYO GHA WADUMI 10:7

Uja malaika oreghoragha nao uendamsigha, Kornelio ukawiwanga wadumiki wake wawi, andwamweri na asikari umu unughagha dini wa awa werekoghe wikimdumikia;

MABONYO GHA WADUMI 12:11

Niko Petro ukamanya ijo jabonyeka ukaghamba, “Idana namanya loli angu Bwana wamduma malaika wake, ukanivuvua kufuma mikonunyi kwa Herode, na kufuma kwa agho ghose Wayahudi werekoghe wikighisuwiria.”

MABONYO GHA WADUMI 12:7

Shwa malaika wa Bwana ukakaia kimusi aho, na mwengere ghukang'ala-ng'ala chumbenyi cha jela; ukamnyavura Petro luwarunyi ukammbusira ukighamba, “Wuka shwa-shwa.” Nao minyororo ikapotoka kufuma mikonunyi kwake.

MABONYO GHA WADUMI 16:36

M'baa wa jela ukamghoria Paulo ukighamba, “Watanyi waduma mlekero mwende, kwa huwo idana fumenyi mghende kwa sere.”

MABONYO GHA WADUMI 5:19

Ela kio ghadi malaika wa Bwana ukairughua minyango ya jela na kuwifunya shighadi ukawizera,

MABONYO GHA WADUMI 7:19

Ukawibonyera mbari yedu mikalo, ukawikoronga kwa kuwilazimisha weke wawa wiwifunye wana wawo watini wibwagho.

JOSHUA 3:13

Ngelo awo wakohani wawuyaiduka Sanduku ya Ilaghano ja uo BWANA wa wurumwengu ghose wichaawadia machi gha Jordani, agho machi gha Jordani ghichatumbanyika ghisighe kusea, na agha gha naisi wori ghichatumbanyika kitungu.”

JOSHUA 3:17

Hata iji wandu werekoghe wikiida, awo wakohani wereidukieghe Sanduku ya Ilaghano wikakaia kimusi andu kuomie ghadi na ghadi ya moda ghwa Jordani.

JOSHUA 4:10

Angu wakohani werekaieghe kimusi aghadi ya Jordani, hata malagho ghose BWANA oremlaghirieghe Joshua uwighorie wandu ghikameria kubonywa seji Musa oremlaghirieghe Joshua. Wandu wikashashira kuruwuka moda.

JOSHUA 4:18

Nao iji awo wakohani wiidukagha Sanduku ya Ilaghano ja BWANA wajoka kufuma Jordani, wiendawadia mbai na mbai ya moda, agho machi ghikachua na kudika dika sa iji koni gherekoghe.

WUFUNUO 12:14

ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.

WUFUNUO 12:4

Na iyo choka ikakurudua ifungu ja kadadu ja nyerinyeri kwa kikomba chake, na kurikumba andoenyi. Ikakaia kimusi imbiri ya uo muka orekoghe kaavui na kuva mwana; eri uo mwana ukavalwa, ipate kummila.

WUFUNUO 12:6

Uo muka ukakimbia cha kireti, andu Mlungu orem'boisireghe wulalo ghwake, upate kulishwa aho matuku elfu imweri maghana awi na mirongo irandadu.