MATHAYO 19:9 - Biblia Ilagho Jiboie Kwa Wandu Wose

⁹ Nani namzera, uo ose uchaamsigha mkake, isaakaia ni kwa wundu ghwa kulaka, nao ulowuo mzima, walaka.”

MATHAYO 19:9 ပူးပေါင်းရင်းမြစ်များ

KUZOYA 20:3

Nao Mlungu ukamchea Abimeleki ndodonyi nakio ukamzera, “Ola kuchafwa, kwa kukaia kwawusa muka wa wandu.”

2 MALAGHO GHA NGELO 21:11

Na aighu ya agho, ukaagha andu kotasira mighondinyi isanga ja Juda, ukawilongoza wandu wikaiagha Jerusalemu wisowe wuloli na kuwilaghasha wandu wa Juda.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

JEREMIA 3:8

Juda wawonie putu kukaia, namnekie Israeli barua etana nao kwa wundu ghwa wulaki ghwake, ela nao moni kwa kusowa wuloli ukalemwa ni kuobua; ukafuma na kubonya wumalaya.

EZEKIELI 16:15

“Ela koretumieghe uko kughoka kwako na sare yako kwa kubonya wumalaya, kukakufunya kwa kula mundu oreidieghe kaavui na oho.

EZEKIELI 16:29

Kukachuria kubonya wumalaya ghwako na Wababuloni, iyo mbari ibonyagha biashara; hata huwo saki, ndekorekatoghe.

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

MATHAYO 19:10

Nao wanughi wake wikamzera, “Ikakaia malagho gha mundu na mkake niko ghiko huwo, kulowua ndekufwanagha anduangi.”

MATHAYO 19:8

Jesu ukawitumbulia, “Ni kwa wundu ghwa kukua kwa ngolo renyu niko Musa oremnekieghe rusa ya kuwisigha waka wenyu. Ela ndeerekoghe huwu imbiri anduangi.

MATHAYO 5:32

Ela ini namzera, uo utanagha na mkake, isaakaia ni kwa wundu ghwa wulaki, uam'bonya ungie kulakenyi, na uo umlowuagha muka utane na mumi walaka.

LUKA 16:18

“Uo ose utanagha na mkake na kumlowua mzima walaka, na uo umlowuagha muka usighilo ni mumi walaka wokoni.

1 WAKORINTHO 5:1

Yawuyaghoreka wei ghoko wulaki aghadi konyu, nagho ni wulaki ima ghusekaiagha hata kwa watasi milimu; wei mndumu waawuyakanya na mka-ndee.

1 WAKORINTHO 7:39

Muka wafungwa iji mumi uko moyo. Ela kasikira mumi wafwa, oko huru kulowolwa ni mundu uo ose umkundagha; ela andenyi ya Bwana tu.

1 WAKORINTHO 7:4

Angu uo muka ndena nguma aighu ya mumbi ghwake moni, ela ni uo mumi wake. Wokoni na uo mumi ndena nguma aighu ya mumbi ghwake, ela ni uo muka.