MATHAYO 19:28 - Biblia Ilagho Jiboie Kwa Wandu Wose

²⁸ Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

MATHAYO 19:28 ပူးပေါင်းရင်းမြစ်များ

1 WAZURI 18:31

Ukashoa magho ikumi na awi kunughana na vichuku ikumi na viwi va wana wa Jakobo, uo orewangiloghe Israeli ni BWANA.

2 MALAGHO GHA NGELO 9:19

Korekoghe na fwana ra shimba ikumi na iwi riko kimusi kutuonyi kwa ivo viluwatiro; virandadu ii chia na ii chia. Ndekuwadie kifumbi chingi cha nguma chifwane sa icho cherebonyeroghe ni wuzuri ghungi.

EZRA 6:17

Wikafunya kwa wundu ghwa kuwika Hekalu wakfu njau ighana jimweri, bauru maghana awi, wana wa ng'ondi maghana ana, na kizongona kwa wundu ghwa kaung'a, oro ikumi na iwi kunughana na mbari ikumi na iwi ra Israeli.

KUFUMA 15:27

Niko wikacha Elimu, andu korekoghe na ndoria ra machi ikumi na iwi, na mitende mirongo mfungade; wikabonya kambi aho kaavui na machi.

KUFUMA 24:4

Musa ukaandika malaghiro ghose gha BWANA. Nakesho yaro kokio, ukaagha madhabahu kirimbenyi cha mghondi; ukadunga magho ikumi na awi kunughana na mbari ikumi na iwi ra Israeli.

KUFUMA 28:21

Aighu ya agho magho gha zoghori ikumi na awi, kuchakota marina ikumi na awi gha wana wa Israeli; ghipate kuwonyera mbari ikumi na iwi ra Israeli.

ISAYA 65:17

BWANA waghamba, “Olenyi niaumba mlungunyi kuwishi na ndoenyi kuwishi; na maza ra kala nderichaakumbukwa hata kugheshwa anduangi.

ISAYA 66:22

“Angu sa iji koni mlungunyi kuwishi na ndoenyi kuwishi nerekubonyereghe kuchaadua imbiri kwapo, ni huwo koni na kivalwa chako na irina jako jichaadua imbiri kwapo.

WALAWI 24:5

“Kuwade kilo ikumi na iwi ra mufu ghudendere nao kubonye mikate ikumi na iwi.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

MATHAYO 19:27

Nao Petro ukamzera, “Zighana isi dasighie vose dikakunugha, dipata kii?”

MATHAYO 20:21

Jesu ukamkotia, “Kwakundeki?” Ukatumbulia, “Neekunda kunibonyere ilaghiro angu awa wana wapo wawi wichasea kidombo umu kwa mkonu ghwako ghwa kiwomi, na umu kwa mkonu ghwako ghwa kiwaka kwa wuzuri ghwako.”

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

MARKO 10:37

Nawo wikamzera, “Kudirumirie dikaie kidombo umu mkonu ghwako ghwa kiwomi na umu mkonu ghwako ghwa kiwaka kwa wubaa ghwako.”

MABONYO GHA WADUMI 3:21

Nao ni suti ukaie mlungunyi hata Mlungu waribonya maza rose rikaie mbishi sa iji koni oreghorieghe kokala kwa memu ya walodi wake wielie.

2 TIMOTHEO 2:12

Dikarumaghia, dichabonya nguma andwamweri nao wori. Dikamlegha, nao moni uchadilegha.

JOSHUA 3:12

Kwa huwo msaghuo wandu ikumi na wawi, mundu umweri kufuma kwa kula kichuku cha Israeli.

2 PETRO 3:13

Ela kunughana na ilaghiro jake, isi daawuyaweseria mlungunyi kuwishi, na ndoenyi kuwishi, andu hachi ikaiagha.

WUFUNUO 11:16

Na awo waghosi mirongo iwi na bana, wiseagha kidombo vifumbinyi vawo va nguma imbiri ya Mlungu, wikaghwa kijimijimi na kumtasa Mlungu,

WUFUNUO 12:1

Nao alama mbaa ikawoneka mlungunyi; muka urushiro iruwa, na mori ghuko aisi ya maghu ghake; na chongonyi kwake, korekoghe na kirumbu cha nyerinyeri ikumi na iwi.

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.

WUFUNUO 21:5

Na uo oreserieghe kidombo aighu ya kifumbi cha nguma ukaghamba, “Ola niaribonya maza rose rikaie mbishi.” Wokoni ukaghora, “Kughiandike agha, angu ni malagho ghiko na wuloli, ghidimagha kurumirilwa.”

WUFUNUO 22:2

ghadi na ghadi ya chia mbaa ya ugho muzi. Wokoni mbai na mbai ya ugho moda iichia na iichia korekoghe na mudi ghwa irangi, ghuko na matunda gha mbari ikumi na iwi; nagho ghwadava kula mori, na malemba gharo ghadaboisa wandu wa mbari rose.

WUFUNUO 22:5

Kio ndechichaakaia sena anduangi, hata ndewichaakunda mwengere ghungi ghwa taa, angu ghwa iruwa, angu Bwana Mlungu uchakaia taa yawo; nawo wichabonya nguma kwa kala na kala.

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 7:4

Nani neresikireghe ugho mtalo ghwa awo werekabiloghe muhuri; wandu ighana na mirongo ina na inya elfu, kufuma kwa kula mbari ya wandu wa Israeli.