MATHAYO 19:21 - Biblia Ilagho Jiboie Kwa Wandu Wose

²¹ Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

MATHAYO 19:21 ပူးပေါင်းရင်းမြစ်များ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

MATHAYO 16:24

Niko Jesu ukawizera wanughi wake, “Mndungi ukakunda kukaia mnughi wapo, suti ukukane uo moni, ughuduke msalaba ghwake uninughe.

MATHAYO 19:20

Uja mdawana ukamzera, “Agho ghose naghiwadie, nibonye kii chimu sena?”

MATHAYO 19:22

Uja mdawana uendasikira agho, ukaghenda na wasi, angu orekoghe na mali nyingi.

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

MATHAYO 4:19

Jesu ukawizera, “Ninughenyi; nani nicham'bonya mkaie wawadi wandu.”

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

MATHAYO 8:22

Ela Jesu ukamzera, “Ninughe, sigha wafu wirike wafu wawo.”

MATHAYO 9:9

Nao Jesu ukafuma aja, hata iji orekoghe ukiida, ukammbona mmbwadi wushuru umu uwangwagha Mathayo, wasea kidombo ofisinyi kwake; ukamzera, “Ninughe.” Nao ukawuka ukamnugha.

MARKO 10:21

Nao Jesu ukamzighana kwa lukundo, ukamzera, “Ola kwasowa wundu ghumweri: ghenda kuuze ivo vose kuko navo, kuwineke wakiwa, na oho kuchakaia na mali mlungunyi; konyuma kuche kuninughe.”

MARKO 2:14

Nao ukiida, ukammbona Lawi wa Alfayo uko kidombo ofisi efunyira wushuru, ukamzera, “Ninughe!” Nao ukawuka, ukamnugha.

MARKO 8:34

Nao ukajiwanga jija izungu andwamweri na wanughi wake wimchee, ukawizera, “Ngera mundu wakunda kuninugha, ukukane uo moni, ughuduke msalaba ghwake, uninughe.

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

LUKA 14:33

Ni huwo koni uo ose usesighagha vose uko navo, ndedimagha kukaia mnughi wapo anduangi.”

LUKA 16:9

“Nani namzera, mkubonyere mmbeni waghenyi kwa chia ya mali risene hachi ra ndoenyi, hata iji rasia, wipate kumkaribisha kwa malalo gha kala na kala.

LUKA 18:22

Jesu uendasikira agho ukamzera, “Kwasighwa ilagho jimweri; uza vose kuko navo kuwiwaghie wakiwa, na oho kuchakaia na mali mlungunyi, sena kuche kuninughe.”

LUKA 5:27

Nyuma ya agho, Jesu ukafuma ukammbona mmbwadi wushuru umu uwangwagha Lawi, wasea kidombo ofisinyi kwake. Jesu ukamzera, “Ninughe.”

LUKA 6:40

Mshomi ndemchumbagha mwalimu wake anduangi, ela kula umu ushomeshero nicha, wadakatana na mwalimu wake.

LUKA 9:23

Nao ukawizera wose, “Ngera mndungi wakunda kunughana nani, ndekukane uo moni, ughuduke msalaba ghwake matuku ghose uninughe.

JOHANE 10:27

Ng'ondi rapo radasikira lwaka lwapo, nani nariichi, naro raninugha.

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

MABONYO GHA WADUMI 2:45

Wikauza mali rawo, na vilambo vawo, wikawaghiana wose kula mundu seji orekundieghe.

WAEBRANIA 10:34

Angu morekoghe na wughoma na wafungwa, mkarumiria kusokwa mali renyu kwa kuboilwa; kwa kukaia inyo mmbeni moremanyireghe angu moko na mali riboie kuchumba, riduagha.