MATHAYO 19:17 - Biblia Ilagho Jiboie Kwa Wandu Wose

¹⁷ Jesu ukamzera, “Kwaki kunikotiagha ja ijo jiko icha? Oko umweri tu uko mucha. Ela iji kukunde kungie iranginyi kuiwadie memu.”

MATHAYO 19:17 ပူးပေါင်းရင်းမြစ်များ

NEHEMIA 9:29

Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

ZABURI 119:68

Oho koko mucha sena kwadabonya nicha; kunifundishe sharia rako.

ZABURI 52:1

Kwaki kukukasagha na wuwiwi ghwako ee mundu kuwadie ndighi, kukighamba wei lukundo lwa Mlungu ni lwa matuku ghose aighu kwako?

EZEKIELI 20:21

“Ela hata wana wokoni wikanilegha; ndewereghendieghe kwa kunugha memu yapo, hata ndeweretalieghe kuwadia sharia rapo, iro mundu ukariwadia uchakaia moyo; sena werenonieghe Sabato rapo. Neregheshereghe ngera kumangu nawikaba kwa machu ghapo aho kireti na kuwimeria putu.

WALAWI 18:5

Kwa huwo, mmbwadie sharia rapo na memu yapo, na kwa kubonya huwo mundu uchadua moyo, Ini ne BWANA.

WAROMA 10:5

Musa oreandikieghe kukaia, mundu uo ose ubonyagha hachi kwa chia ya kuikatisha Sharia uchakaia moyo.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

1 JOHANE 4:16

Kwa wundu ugho daichi na kurumiria ulo lukundo Mlungu udikunde nalo. Mlungu ni lukundo, na uo ukaiagha andenyi ya lukundo, wadakaia andenyi ya Mlungu, na Mlungu wadakaia andenyi kwake.

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.