MATHAYO 19:14 - Biblia Ilagho Jiboie Kwa Wandu Wose

¹⁴ Jesu ukaghamba, “Wilekenyi wanake watini wiche kwapo, msakewighiria, angu wuzuri ghwa mlungunyi ni kwa wandu wiko sa awa.”

MATHAYO 19:14 ပူးပေါင်းရင်းမြစ်များ

KUZOYA 21:4

ukamshamisha ituku ja wunyanya, sa iji koni Mlungu oremlaghirieghe.

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

MATHAYO 18:3

ukawizera, “Namghoria loli, ngera mseghalukagha na kuwuya sa wanake watini, jingi ndemchaangia kwa wuzuri ghwa mlungunyi anduangi.

MATHAYO 19:15

Ukawiwikiria mikonu, ukafuma aho ukaghenda chia yake.

MATHAYO 5:10

Warasimilwa awo witirirwagha kwa wundu ghobonya hachi, angu wuzuri gha Mlungu ni ghwawo.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

MARKO 10:14

Jesu iji wawona ilagho jija, ukawawa ni ngolo, ukawizera, “Wilekenyi wanake wiche kwapo, msakewikania, angu Wuzuri ghwa mlungunyi ni ghwa awo sa awa.

MARKO 10:15

Namghoria loli, uo ose useghurumiriagha Wuzuri ghwa Mlungu sa mwanake mtini, na jingi ndechaangia andenyi kwaro anduangi.”

1 WAKORINTHO 14:20

Wanidu, msakekaia sa wana kwa akili renyu; kwa mawiwi mkaie sa wanake, ela kwa akili, mkaie wandu mzoghue.

WATANYI 13:7

ela wanizera huwu, ‘Ola kuchakaia na kifu, kuve mwana wa womi, kwa huwo kusenyo divei, angu kindo chingi chewongera, hata kusakeja vindo viseelie; angu uo mwana uchakaia Mnaziri kwa Mlungu kufuma kuvalwa kwake hata kufwa kwake.’”

1 SAMUELI 1:11

Ukabonya ighemi ukighamba, “Ee BWANA wa majeshi, ngera loli kwadakumbuka na kughuzighana wasi ghwapo, hata kuseniliwe ini mdumiki wako, nao kunineke mwana wa womi, niko na ini nichamfunya na kukuneka oho BWANA matuku ghose gha irangi jake, nao ndechaarwa na shembe chongonyi kwake anduangi.”

1 SAMUELI 1:22

Ela Hana nderejokieghe, angu oremzerieghe mumi wake, “Ngameria kumfunya umwana mariwa, niko nichaamghenja na kummbika imbiri ya BWANA, upate kukaia aho toe.”

1 SAMUELI 1:24

Uendamsighisha mariwa, ukamghenja Shilo, ukidwa njau ya miaka idadu, na kilo imweri ya mufu, na kiriba cha mrongo chichue divei; ukamreda uo mwana mtini nyumbenyi kwa BWANA, aho Shilo.

1 SAMUELI 2:18

Uja mwana Samueli orerushiroghe naivera ya kitani, ukakaia ukidumika imbiri ya BWANA.