MATHAYO 18:7 - Biblia Ilagho Jiboie Kwa Wandu Wose

⁷ Ni bugha kwa wurumwengu kwa wundu ghwa matimo ghishekeriagha kubonya kaung'a. Ni suti makuwisho ghiche, ela ni bugha kwake uo mundu ushekeriagha matimo ghiche!

MATHAYO 18:7 ပူးပေါင်းရင်းမြစ်များ

KUZOYA 13:7

Marashano ghikawuka aghadi ya walisha wa Abramu na walisha wa Loti. Ngelo iyo, Wakanaani na Waperizi werekoghe wikikaia andenyi ya ijo isanga.

2 SAMUELI 12:14

Elaima, angu kummenyere BWANA nandighi kwa ibonyo ijo, uo mwana kuvailo uchafwa.”

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”

MATHAYO 26:24

Mwana wa Mdamu uaghenda sa iji koni Maandiko ghiandikilo aighu yake, ela ni bugha kwake uja mundu umfunyagha Mwana wa Mdamu; erekaiagha nicha ngera uo mundu nderevaloghe jingi.”

MARKO 13:7

Hata iji mwasikira wuda na wuvoro ghwa wuda, msakeobua, angu suti maza iri rikaie; ela kuja kutua ndekulighisire kande anduangi.

LUKA 17:1

Nao Jesu ukawizera wanughi wake, “Matimo ghengira wandu kaung'enyi suti ghiche, ela ni bugha kwa uo mundu ughiredagha.

JOHANE 17:12

Iji nerekwanyeghe nawo, nerewiwikieghe banana kwa ijo irina jako koreninekieghe. Nawilindirie, hata ungi nderelagharieghe, ela uo mwana wa kutota; eri maandiko ghikatisho.

MABONYO GHA WADUMI 1:16

“Wanidu, edeeka suti maandiko ghikatisho; agho gherededeloghe ni Roho Mweli kwa momu ghwa Daudi aighu ya Juda, uo orekoghe kilongozi cha waja weremmbwadieghe Jesu.

1 WAKORINTHO 11:19

Angu ni suti kukaie na kuleghawadana maghesho aghadi konyu, eri awo wiko waloli aghadi yenyu wipate kumanyika.

1 TIMOTHEO 6:1

Wandu wose wiko aisi ya ghongolo ya wuzumba, ndewiwitale weke bwana wawo kukaia wifwane kunekwa ishima jose, eri irina ja Mlungu na agho mafundisho ghisepate kudedelwa kiwiwi.

TITO 2:5

wikaie na akili, wielie, wezighana kazi ra nyumbenyi, wikaie wecha, wekusera kwa womi wawo; eri ilagho ja Mlungu jisepate kumenywa.

TITO 2:8

kwa madedo gha loli ghisedimagha kufunywa makosa; eri mtangali upate kufushwa waya, kwa kusowa ilagho jingi iwiwi jeghora.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

1 SAMUELI 2:17

Huwo iyo kaung'a ya waja wana erekoghe mbaa nandighi imbiri ya BWANA, kwa kukaia werevimenyereghe ivo vizongona verefunyiroghe kwa BWANA.