MATHAYO 18:19 - Biblia Ilagho Jiboie Kwa Wandu Wose

¹⁹ Sena namghoria inyo, ngera wawi wenyu wapatana ndoenyi kulomba ilagho jingi, Aba wa mlungunyi uchawibonyera ilagho ijo.

MATHAYO 18:19 ပူးပေါင်းရင်းမြစ်များ

MATHAYO 21:22

Na ijo jose mlombagha, ngera mwakaia na irumirio mchajipata.”

MATHAYO 5:24

kuchisighe kizongona chako ahoeni madhabahunyi, kughende kupatane na mwanyinyu kande, ima kuchefunya icho kizongona chako.

MATHAYO 7:7

“Lombenyi, nenyo mchanekwa; lolenyi, nenyo mchawona; kongodenyi, nenyo mcharughuilwa.

MARKO 11:24

Niko namzera, vilambo vose muvilombagha, rumirienyi angu mwavipata, nenyo mchanekwa.

JOHANE 15:16

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

JOHANE 15:7

Mkakaia andenyi kwapo, na malagho ghapo ghikakaia andenyi konyu, mchalomba icho chose mkundagha nenyo mchanekwa.

JOHANE 16:23

Ituku ijo ndemchaanilomba kilambo chingi anduangi. Namghoria loli, icho chose mchaalomba kwa uja Aba kwa irina japo uchamneka.

MABONYO GHA WADUMI 1:14

Awa wose, andwamweri na waka, na Maria mae Jesu, na waruna, werekoghe wikilomba tulituli kwa ngolo imweri.

MABONYO GHA WADUMI 12:5

Huwo Petro ukawikwa jela; ela Ikanisa jerekoghe jikilomba Mlungu nandighi kwa wundu ghwake.

MABONYO GHA WADUMI 16:10

Nao iji Paulo waghiwona agho mawono, shwa-shwa dikalola kughenda cha Makedonia dikimanya wori angu Mlungu waadiwanga diendewichilia awo wandu Ilagho Jiboie.

MABONYO GHA WADUMI 6:4

Ela isi dichadua dikilomba na kujichila ijo ilagho.”

WAFILIPI 1:19

Hee, nani nichachuria kuboilwa. Angu namanya kwa chia ya malombi ghenyu, na kwa wutesia ghwa Roho wa Jesu Kristo, maza iri richaghaluka rikaie kukia kwapo.

1 JOHANE 3:22

Nesi dikalomba kilambo icho chose diapata kufuma kwake; angu dawuyaiwadia memu yake, na kubonya seji ukunde.