MATHAYO 16:3 - Biblia Ilagho Jiboie Kwa Wandu Wose

³ Luma lwa nakesho mwadaghamba, ‘Idime kuchakaia na kiremba kibaa, angu mlungunyi kwatinika na kukaia na marundu.’ Idana inyo mwaichi kutambua vimu kwa kuzighana mawingunyi, nenyo mwalemwa ni kutambua malagho gha ngelo iri.

MATHAYO 16:3 ပူးပေါင်းရင်းမြစ်များ

1 MALAGHO GHA NGELO 12:32

Wandu wa Isakari wikacha awo witambukilwagha ni malagho gha ngelo, widimagha kumanya seji iwifwane Israeli wibonye, wabaa maghana awi na wamzawo wose wikikaia aisi ya nguma rawo.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

MATHAYO 15:7

Waji-kuwi inyo, Isaya nderelodieghe loli aighu enyu iji waghamba,

MATHAYO 22:18

Ela Jesu ukighumanya wuwiwi ghwawo ukawizera, “Inyo waji-kuwi, kwaki munitimagha?

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

MATHAYO 7:5

Muji-kuwi oho! Inja icho kilingo chiko irisonyi kwako kande, ima niko kuchaawona nicha kudime kuchifunya icho kijaghulu chiko irisonyi kwa mwanyinyu.

LUKA 11:44

Ni bugha konyu angu mwafwanana na makaburi ghisewonekagha na wandu wadaghiwadia wisemanyagha.”

LUKA 12:56

Inyo waji-kuwi, mwaichi kutambua vimu kwa kuzighana ndoenyi na mlungunyi, kwaki sena mlemwagha ni kutambua maza ra ngelo iri?”

LUKA 13:15

Nao Bwana ukamzera, “Inyo waji-kuwi, huwo ungi onyu aha ndefunguagha ng'ombe angu punda wake ughende machinyi ituku ja Sabato?

WAEBRANIA 5:14

Ela vindo vikurie, ni va wandu wabaa, awo wikufundishire kwa kurizaisira akili rawo ridime kumanya mecha na mawiwi.