MATHAYO 16:27 - Biblia Ilagho Jiboie Kwa Wandu Wose

²⁷ Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

MATHAYO 16:27 ပူးပေါင်းရင်းမြစ်များ

AYUBU 34:11

Mlungu wadamlipa mundu kunughana na mabonyo ghake; wadam'bonyera kunughana na mighendo yake.

ZABURI 62:12

na lukundo lukatie. Oho BWANA kwadamlipa mundu karakara na kazi yake.

MAKATANISHO 24:12

Mkaghamba wei ndemmanyire ilagho jingi, muaghesha uo upimagha ngolo ra wandu ndewuewona? Huwo uo umanyagha ngolo renyu ndewuemanya? Huwo ndechaalipa mundu karakara na kazi rake anguwada?

MCHILI 3:17

Ngaghamba ngolonyi kwapo, “Mlungu uchawitanya wahachi, na wawiwi; kwa kukaia wawikie ngelo kwa wundu ghwa kula ilagho na kwa kula kazi.”

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

EZEKIELI 18:20

Mundu ubonyagha kaung'a uchafwa. Mwana ndechaalipilwa kaung'a ra ndee, hata ndee mwana ndechaalipilwa kaung'a ra mwana. Mundu wa hachi uchalipwa gha hachi; na mundu mmbiwi uchalipilwa gha wuwiwi.

EZEKIELI 7:27

Mzuri uchalila, na m'baa uchafwa ngolo, na mikonu ya wandu wa isangenyi ichateweleka kwa wowa. Nichawibonyera kara kara na mabonyo ghawo, na kuwitanya karakara na kutanya kwawo koni; nawo wichamanya kukaia ini ne BWANA.”

DANIELI 7:10

Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

ZEKARIA 14:5

Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.

MATHAYO 13:41

uja Mwana wa Mdamu, uchawiduma weke malaika wake wiwikwanye na kuwiinja na mbai ya wuzuri ghwake, awo wose wiredagha kaung'a na wose wibonyagha wuwiwi;

MATHAYO 13:49

Niko koni ichaakaia kutua kwa ngelo; malaika wichacha kuwiinja wandu wawiwi wifume kwa wandu wa hachi,

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

MATHAYO 26:64

Jesu ukamzera, “Oho kwaghamba. Nani namghoria angu kufuma idana mchammbona Mwana wa Mdamu wasea kidombo chia ya mkonu ghwa kiwomi ghwa Uo Uwadie Ndighi, sena ukicha aighu ya mawingu gha mlungunyi.”

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

MARKO 14:62

Jesu ukatumbulia, “Ini nuo moni; nenyo mchammbona Mwana wa Mdamu uko kidombo chia ya mkonu ghwa kiwomi ghwa Uo-Uwadie-Ndighi-Rose, sena mchammbona ukicha na mawingu gha mlungunyi.”

MARKO 8:38

Angu uo uchaaniwonia waya ini na malagho ghapo, kwa kivalwa ichi cha kulaka na kaung'a, Mwana wa Mdamu wori uchammbonia waya, kasikira wacha na wubaa ghwa ndee, andwamweri na weke malaika wielie.”

LUKA 21:27

Niko aho wichaammbona Mwana wa Mdamu ukicha andenyi ya iwingu uko nandighi na wubaa mungi.

LUKA 22:69

Ela kufuma idana, Mwana wa Mdamu uchasea kidombo chia ya mkonu ghwa kiwomi ghwa Mlungu Uwadie Ndighi Rose.”

LUKA 9:26

Angu uo ose uchaaniwonia waya ini na malagho ghapo, Mwana wa Mdamu uchammbonia waya wokoni kasikira wacha na wubaa ghwake, na wubaa ghwa Ndee, na ghwa weke malaika wielie.

JOHANE 21:22

Jesu ukamzera, “Ngera nakunda ukaie moyo hata nawuya, ni ilaghoki kwako? Kuninughe ini.”

JOHANE 21:23

Nao malagho ghikaereshwa kwa awo wanidu wei uja mnughi ndechaafwa anduangi. Ela Jesu nderemzerieghe wei ndechaafwa anduangi, ela odeghora, “Ngakunda ukaie moyo hata nawuya ni ilaghoki kwako.”

MABONYO GHA WADUMI 1:11

“Wele Wagalilaya, niki mzighaniragha nokoighu cha mlungunyi? Uhu Jesu, wadwalwa cha mlungunyi kufuma konyu, uchawuya wokoni huwu sa iji koni mwammbona ukighenda cha mlungunyi.”

WAROMA 14:12

Kwa huwu, kula umu odu uchafunya mtalo ghwake moni imbiri ya Mlungu.

WAROMA 2:6

Angu Mlungu uchamneka kula mundu karakara na kazi rake.

1 WAKORINTHO 15:23

ela kula mundu kwa izughe jake: Kristo ni wa imbiri, konyuma awo wiko wake wicharuka ituku ja kucha kwake.

1 WAKORINTHO 3:13

kazi ya kula mundu ichawoneka worinyi; angu jija Ituku jichaifunukua, kwa kukaia ichafunukulwa kwa modo. Na modo ghuchaitima kazi ya kula mundu uibonyere.

1 WAKORINTHO 8:8

Elaima vindo ndevidimagha kudisoghora kaavui na Mlungu anduangi. Dikakaia disejie, ndedipungukilwagha ni kilambo chingi; hata dikaja, ndedichurikiagha kwa kilambo chingi anduangi.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

WAEFESO 6:8

Mkimanya angu icho chose mundu uchibonyagha chiboie, uchapata wuja koni kufuma kwa Bwana; ukaiagha ni mzumba, angu mkitina.

WAKOLOSAI 3:25

Angu uo ubonyagha kiwiwi, uchalipwa karakara na kiwiwi uchibonyere; hata ndekuwadie kutala wandu kungi anduangi.

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

1 WATHESALONIKE 4:16

Angu Bwana moni uchasea kufuma mlungunyi, na lwaka lubaa lwa nguma, na kuwanga kwa malaika m'baa, na lwaka lwa tarumbeta ya Mlungu. Na awo wifue andenyi ya Kristo, wichazoya kuruka;

JAKOBO 5:7

Kwa huwu wanidu, rumaghienyi hata Bwana uche. Zighanenyi angu mlimi wadawesera mavalo gha ndoe gha zoghori mbaa, ukirumaghia, hata ghipate vua ya imbiri na ya nyuma.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.

1 JOHANE 2:28

Na idana wanake watini, kaienyi andenyi ya Kristo; eri iji wawoneka, dikaie na wuwana, hata disakewuya nanyuma kwa waya ngelo ya kucha kwake.

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.