MATHAYO 16:18 - Biblia Ilagho Jiboie Kwa Wandu Wose

¹⁸ Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

MATHAYO 16:18 ပူးပေါင်းရင်းမြစ်များ

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

2 SAMUELI 18:4

Mzuri ukaghamba, “Nichabonya ijo jose mujiwonagha kukaia icha konyu.” Niko mzuri ukakaia kimusi mbai na mbai ya mbenge, ijeshi jose jikifuma kwa maghana na kwa maelfu.

AYUBU 38:17

Jingi kwawonyero mbenge ra wurumwengu ghwa wafu ghuko kira?

ZABURI 107:18

Wikazamilwa ni vindo vose; wikakaia kaavui na kufwa.

ZABURI 127:5

Warasimilwa mundu ukakaia na wana wengi. Ukaghenda kutanyonyi kudedanya na wamaiza wake, ndedimagha kusimwa.

ZABURI 129:2

“Wanikorongie nandighi kufuma wanake ghwapo, elaima ndewinisimie.

ZABURI 69:12

Nadadedwa ni wandu wiseagha kidombo mwandunyi, na wawongeri wadanidunga chumbo rizamie.

ZABURI 9:13

Kuniwonie wughoma ee BWANA! Wona seji nawuyajishwa wasi ni wandu wizamilwagha ni ini. Nivuvuo kufuma kifonyi ee BWANA,

MAKATANISHO 24:7

Hikima eeka ighu isedimagha kumtambukia mkelu; ndedimagha kudeda ilagho jingi mwandunyi.

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ISAYA 28:6

na roho ya hachi kwake uo utanyagha, na ndighi kwa walindiri wilindiagha mbenge ya muzi isewado ni wandu wa wuda.

ISAYA 38:10

Nereghambieghe wei niafwa mkoo, nani nichaghenda Andu kwa Wafu, na kukaia aho matuku ghapo ghisigharikie.

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

JONA 2:6

Kondonyi kirimbenyi cha mighondi, neremilikieghe ngasea isangenyi, andu nerefinikiroghe sa kufungilwa na vuma kwa kala na kala. Ela oho korenijosereghe sa kufuma kinenyi ee BWANA Mlungu wapo.

MATHAYO 10:2

Marina gha wadumi ikumi na wawi nigho agha: Wa imbiri Simoni uwangwagha Petro, na Andrea mruna, Jakobo na Johane wana wa Zebedayo;

MATHAYO 11:23

Na oho Kafarnaumu, kookunda kujoswa kuvike mlungunyi? Kuchaserwa hata jehanamunyi. Angu ngera weke mwakilimbiti werebonyeroghe kwako, wedebonyerwa Sodoma, kumangu muzi ugho ghwaduagha hata linu.

MATHAYO 18:17

Ikakaia na awo ndeuwisikiragha, kujighorie ikanisa, nao ngera walegha kujisikira hata ikanisa, kumtale sa mundu wa mbari zima, na sa mmbwadi wushuru.

MATHAYO 4:18

Nao iji Jesu orekoghe ukisela mbai na mbai ya ndiwa ya Galilaya, ukawiwona wawadi samaki wawi, mundu na mruna; Simoni (uwangwagha Petro), na mruna Andrea; werekoghe wikiwada samaki kwa nyavu ndiwenyi.

MATHAYO 7:24

“Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho.

JOHANE 1:42

Ukamghenja kwa Jesu. Nao Jesu ukamzighana ukaghamba, “Oho ko Simoni mwana wa Johane, ela kuchawangwa Kefa” (kutambua kwaro ni Petro, angu Igho.)

MABONYO GHA WADUMI 2:47

wikimkasa Mlungu na kukundwa ni wandu wose; na Bwana ukaghuchuria ituku ituku mtalo ghwa awo werekoghe wikikirwa.

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.

1 WAKORINTHO 15:55

“Kusima kwako koko hao ee Kifwa? Luvia lwako loko hao ee kifwa?”

WAGALATIA 2:9

nawo iji wawona seji ninekelo ghuja mvono, Jakobo, Kefa na Johane, wandu weretaliloghe kukaia sa nguro, werediwadieghe mkonu ghwa kiwomi ghwa wungara ini na Barnaba, dipate kughenda kwa wandu wa mbari zima, nawo wighende kwa wandu wishamishiro.

WAEFESO 3:10

ipate kukaia kwa chia ya ikanisa, hikima ya Mlungu iko kwa chia zima-zima, imanyike idana kwa wabaa na awo wiwadie ndighi wa malalo gha mlungunyi.

WAEFESO 5:32

Ihi ni ngasu mbaa, nani naawuyaghamba kukaia yaawuyawonyera seji Kristo uko na ikanisa jake.

WAKOLOSAI 1:18

Nao nuo chongo cha mumbi, najo ni ikanisa; uo ni uko kuzoya, nao nuo wa imbiri wa kuruka kufuma kwa wafu; eri upate kukaia wa imbiri kwa maza rose.

1 TIMOTHEO 3:15

iji nacheleshwa, kukaie kumanyire seji imfwanagha mundu kukaia andenyi ya nyumba ya Mlungu, najo ni ijo ikanisa ja Mlungu uko moyo, iyo nguro na msingi ghwa iyo loli.

1 TIMOTHEO 3:5

Ikakaia mundu usedimagha kuibonyera nguma nyumba yake cheni, udima wada kujilindia ikanisa ja Mlungu?

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 21:14

Wurigha ghwa muzi ghorekoghe na magho gha misingi ikumi na awi, na aighu yaro, korekoghe na marina ikumi na awi gha wadumi wa Mwana wa Ng'ondi.