MATHAYO 16:16 - Biblia Ilagho Jiboie Kwa Wandu Wose

¹⁶ Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 16:16 ပူးပေါင်းရင်းမြစ်များ

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

MATHAYO 1:16

Jakobo oremvaeghe Josefu, uo orekoghe mumi wake Maria, uo oremvaeghe Jesu uwangwagha Kristo.

MATHAYO 14:33

Na wose werekoghe ishuonyi wikamtasa wikighamba, “Loli oho ko Mwana wa Mlungu.”

MATHAYO 16:15

Jesu ukawikotia, “Inyo mwaghoragha ini nani?”

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 4:3

Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.”

MARKO 14:61

Ela uo ukanyama kima, hata nderetumbulieghe ilagho jingi anduangi. Mkohani M'baa ukamkotia kawi, “Welee, oho nuo Kristo, Mwana wake uja Mrasimilwa, anguwada?”

LUKA 2:11

angu idime koni, Mkiri wavalwa kwa wundu ghonyu mzinyi kwa Daudi, na ni Kristo Bwana.

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

JOHANE 11:27

Marita ukamzera, “Ee Bwana. Narumiria angu oho koko Kristo, Mwana wa Mlungu uja uchagha wurumwengunyi.”

JOHANE 20:31

Ela agha gheandikwa, inyo mpate kurumiria angu Jesu ni Kristo, Mwana wa Mlungu; na kwa kurumiria kwake, mpate kukaia na irangi kwa irina jake.

JOHANE 6:57

Sa iji koni Aba uko moyo orenidumieghe, nani nakaia moyo kwa wundu ghwa Aba, huwo koni uo unijagha ini uchakaia moyo kwa wundu ghwapo wori.

JOHANE 6:68

Simoni Petro ukamtumbulia, “Bwana, dimghendia ani? Oho koko na malagho gha irangi ja kala na kala.

JOHANE 6:69

Isi darumirie, sena dacheemanya angu oho nuo uja Mweli wa Mlungu.”

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

MABONYO GHA WADUMI 8:36

Nawo iji werekoghe wikighenda chienyi, wikabusa andu kuko na machi, na kolowi ukamzera, “Machi hagha, niki chinighiriagha kubaputizwa?” [

MABONYO GHA WADUMI 8:37

Filipo ukamzera, “Kukarumiria kwa ngolo yako yose, kuchabaputizwa.” Kolowi ukamzera, “Narumiria angu Jesu Kristo ni Mwana wa Mlungu.”]

MABONYO GHA WADUMI 9:20

Nao shwa wori ukazoya kumchila Jesu andenyi ya masunagogi ukighamba, “Jesu ni Mwana wa Mlungu.”

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

2 WAKORINTHO 1:19

Angu Mwana wa Mlungu Jesu Kristo, uo deremchilieghe konyu, ini, na Silvano, na Timotheo, si wa “Hee” na “Hata” anduangi; ela andenyi kwake ni “Hee” matuku ghose.

2 WAKORINTHO 3:3

Nenyo mwawonyera moko barua diiredie ifumie kwa Kristo, nayo ni barua iseandikilo kwa wino, ela eandikwa kwa Roho wa Mlungu uko moyo; hata ndeiandikilo aighu ya vishawalata va magho anduangi, ela eandikwa andenyi ya ngolo ra wandu.

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WUKUMBUSO 5:26

Ni mdamu uao usikire Mlungu uko moyo ukighora aghadi ya modo seji dasikira nao ukakaia moyo?

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

1 TIMOTHEO 3:15

iji nacheleshwa, kukaie kumanyire seji imfwanagha mundu kukaia andenyi ya nyumba ya Mlungu, najo ni ijo ikanisa ja Mlungu uko moyo, iyo nguro na msingi ghwa iyo loli.

1 TIMOTHEO 4:10

Angu ni kwa wundu ugho dawuyabonya kazi kwa kufunga ndighi, kwa kukaia dawikie isuwirio jedu kwa Mlungu uko moyo, uhu uko Mkiri wa wandu wose, na kuchumba wa awo wirumiriagha.

WAEBRANIA 10:31

Ni ilagho jeobosha kughwa mikonunyi kwa Mlungu uko moyo.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

1 JOHANE 4:15

Uo ose urumiriagha kukaia Jesu ni Mwana wa Mlungu, Mlungu wadakaia andenyi kwake, na uo wadakaia andenyi ya Mlungu.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

1 JOHANE 5:5

Nao nani udimagha kughusima wurumwengu, iseeka ni uo urumiriagha kukaia Jesu ni Mwana wa Mlungu?

WUFUNUO 7:2

Ngawona malaika umu sena, ukisea kufuma aja iruwa jibukiagha, uko na muhuri ghwa Mlungu uko moyo; nao ukawiwanga kwa lwaka lubaa awo weke malaika bana werenekeloghe ndighi rebonya ndoe na bahari ilagho;