MATHAYO 15:9 - Biblia Ilagho Jiboie Kwa Wandu Wose

⁹ Kunitasa kwawo ni kwa duu angu wadafundisha memu yawo cheni, seji ni memu ya Mlungu.’”

MATHAYO 15:9 ပူးပေါင်းရင်းမြစ်များ

ZABURI 39:6

Mdamu wadamara-mara sa kirerendi ukikuemeka duu. Wadatumbanya mali, usemanyagha nani uchaariwusa.

ZABURI 73:13

Needuakuelesha na kuleghabonya kaung'a duu.

KUFUMA 20:7

“Kusakejighora duu irina ja BWANA Mlungu wako, angu Mlungu ndechaalegha kumtalia makosa, uo ughoragha irina jake duu.

ISAYA 29:13

BWANA ukaghamba, “Kwa kukaia wandu awa wacha kunitasa kwa momu ghoni ingelo ngolo rawo riko kula na ini, kunitasa kwawo kwanughana na mizango na mawiko gha wadamu,

WALAWI 26:16

nicham'bonya huwu: Nichamredia maza reobosha, makongo ghiseboagha, homa rem'bwagha meso na kumeria marangi ghenyu. Mchawa viro, ela ndemchaapata kindo chingi; kwa kukaia wamaiza wenyu wichavija.

WALAWI 26:20

Kukufunya kose kwa kazi renyu kuchakaia kwa duu, kwa kukaia ndoe ndeichaava mavalo ghangi, na midi ndeichaafunya matunda ghangi.

MALAKI 3:14

Inyo mwaghambie, ‘Ni duu kumdumikia BWANA. Eko fwaidaki ewadia malaghiro ghake na kughenda dikihea imbiri kwake kwa agho dighibonyere?

MATHAYO 15:10

Nao Jesu ukajiwanga jija izungu ja wandu ukawizera, “Sikirienyi mtambukilo,

MARKO 7:7

Kunitasa kwawo ni kwa duu, nawo wadafundisha mafundisho gha memu yawo, seji ni memu ya Mlungu.’

1 WAKORINTHO 15:2

najo jawuyamkira, ikakaia mwawuyajiwadia wokoni huwo seji neremchilieghe; isaakaia ngera modejiwusa ighu-ighu.

WUKUMBUSO 12:32

“Lindia m'bonye maza rose nicha, seji namlaghira; msechurie hata kupunguza ilagho jingi.

1 TIMOTHEO 1:4

Kuwilaghire wisakekungira andenyi ya maza ra chughano, na maandiko gha vichuku ghisewadie kutua; ghiredagha nganyi wulalo ghwa mafundisho gha kimlungu ghiko gha irumirio.

TITO 1:14

wulalo ghosikiria chughano ra Kiyahudi, na malaghiro gha wandu awo wiileghagha ija loli.

WAEBRANIA 13:9

Msakelaghashwa ni mafundisho mazima mazima gha kighenyi; angu ni nicha iyo ngolo imangisho kwa mvono ghwa Mlungu, hata si kwa vindo anduangi; ivo visemnekagha fwaida ingi uo mundu unughanagha navo.

JAKOBO 2:20

Welee, kwakunde kuwonyero oho mundu wa maghesho mavui seji irumirio jisene mabonyo jisevagha?

WUFUNUO 22:18

Namuonya kula mundu usikiragha malagho gha wulodi ghwa chuo ichi: Ngera mndungi waghichuria, Mlungu uchamchuria agho makabo ghighorelo andenyi ya chuo ichi.

1 SAMUELI 25:21

Daudi orekoghe ukighamba ngolonyi kwake, “Kwa loli neebonya kazi nduu elindia mali ya umundu orekoghe nayo ichi kireti chose, hata nderelaghariloghe ni kilambo chingi chake; da hoyu wanilipa wuwiwi kwa ugho wucha nim'bonyere!