MATHAYO 15:27 - Biblia Ilagho Jiboie Kwa Wandu Wose

²⁷ Uja muka ukaghamba, “Ni loli Bwana, ela hata koshi rajagha misusure ipotokagha kufuma mezenyi kwa weke Bwana wawo.”

MATHAYO 15:27 ပူးပေါင်းရင်းမြစ်များ

KUZOYA 32:10

Ini sifwane kindo chingi kukatanishwa na ulo lukundo lwako, na wuloli ghwako kughuwonyere kwapo ini mdumiki wako; kwa kukaia nereruwukieghe Jordani na mzata ghwapo ghoni, ela idana nakaia mafungu awi.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

MATHAYO 15:26

Jesu ukamtumbulia, “Si nicha kuwusa vindo va wana na kuvikumbia koshi.”

MATHAYO 15:28

Ahoeni Jesu ukamzera, “Ee muka, irumirio jako ni ibaa, ndeikaie kwako sa iji koni kwakunda.” Uja mnjighe wake ukaboa saa ija cheni.

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

MATHAYO 8:8

Uja m'baa ukamzera, “Bwana, ini sifwane kuchelwa ni oho nyumbenyi kwapo, ela ghora ilagho jeni, na mdumiki wapo uchaboa.

MARKO 7:28

Ela uja muka ukamzera, “Ni loli Bwana, ela hata koshi riko mezenyi na kosi, rajagha misusure ipotokagha kufuma kwa wana.”

LUKA 16:21

nao orekoghe ukikunda kuja misusure erepotokagha kufuma mezenyi kwa uja mzuri; na koshi rikacha na kumleta-leta vonda vake.

LUKA 18:13

Ela uja mmbwadi wushuru ukakaia kula koni, nao nderekundieghe hata kuwusira meso ghake cha mlungunyi, ela ukakukaba-kaba moni laghenyi kwake ukighamba, ‘Ee Mlungu, kunifue wughoma ini mundu wa kaung'a.’”

WAROMA 10:12

Angu ndeghuko wuchumbano ghungi aghadi ya Myahudi na Mgriki anduangi; uo Bwana ni Bwana wa wose, nao wadawidiria marasimio ghake kwa wungi wose wimlombagha.

WAROMA 3:19

Idana damanya angu ijo jose Sharia ighoragha, yaghora na awo wiko aisi ya Sharia; eri mndungi usepate jekudederia, na wurumwengu ghose ghupate kukaia aisi ya kutanya kwa Mlungu.

WAROMA 3:29

Angu huwo Mlungu ni wa Wayahudi wiekeri, si wa wandu wa mbari zima wori anguwada? Hee, ni wa wandu wa mbari zima wori.

WAROMA 3:4

Hata kutini. Ela Mlungu ndeduo mloli, hata ngera wadamu wose wakaia watee; sa iji koni iandikilo, “Kupate kutalwa kukaia na hachi kwa madedo ghako, na oho kusime ngelo ya kutanywa kwako.”

WAEFESO 3:19

na kulumanya lukundo lwa Kristo ulo luchumbie kumanya kose, mpate kuchulwa ni kuchua kose kwa Mlungu.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.