MATHAYO 15:19 - Biblia Ilagho Jiboie Kwa Wandu Wose

¹⁹ Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

MATHAYO 15:19 ပူးပေါင်းရင်းမြစ်များ

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

ZABURI 119:113

Nadazamilwa ni waji kuwi, ela naikunde sharia yako.

MAKATANISHO 22:15

Mwana wadakaia na wukelu ngolonyi kwake, ela changu cha mafundisho chichaghufunya.

MAKATANISHO 24:9

Kula mpango ghuririkanywagha ni mkelu, ni kaung'a, na mundu odema sare wadazamia wandu.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

MAKATANISHO 6:14

na kubonya njama izamie kwa ngolo mbiwi; ukibonya sheshe tuli tuli.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

MITALO 22:29

Balaamu ukamzera punda, “Ni angu kwawuyanisarighia. Na wei nedeka na lufu, kumangu nakubwagha.”

MATHAYO 15:20

Agho nigho ghimlushagha mundu. Ela kuja vindo na vala viseoghoshero ndekulushagha mndungi anduangi.”

MATHAYO 5:28

Ela ini namzera, uo ose umzighanagha muka ukikaia na bea nao, wameria kulaka nao ngolonyi kwake.

MATHAYO 9:4

Nao Jesu ukimanya maririkanyo ghawo ukaghamba, “Kwaki mgheshagha mawiwi ngolonyi konyu?

MABONYO GHA WADUMI 8:22

Kwa huwu hea ichi kiwiwi chako, kulombe Bwana ngera idimika ukufue wughoma agho maghesho gha ngolo yako.

WAROMA 7:18

Naichi andenyi kwapo, nako ni andenyi ya mumbi ghwapo, kilambo chingi kicha ndechikaiagha anduangi.