MATHAYO 14:3 - Biblia Ilagho Jiboie Kwa Wandu Wose

³ Angu Herode nuo oremmbwadieghe Johane, ukamfunga, na kumngira kifungonyi kwa wundu ghwa Herodia nao ni mka-mruna Filipo.

MATHAYO 14:3 ပူးပေါင်းရင်းမြစ်များ

MATHAYO 11:2

Johane uko kifungonyi, uendasikira malagho gha mabonyo gha Jesu, ukawiduma wamu wa wanughi wake kwa Jesu wimkotie,

MATHAYO 14:6

Nao iji ituku ja kuvalwa kwake Herode javika, mwai wa Herodia ukavina imbiri ya wose, ukamrira Herode. Nao ukam'bonyera ilaghiro ja ighemi,

MATHAYO 4:12

Jesu uendasikira angu Johane wameria kungirwa kifungonyi, ukaghenda cha Galilaya.

MARKO 6:14

Nao mzuri Herode ukasikira iro maza, angu irina ja Jesu jeremanyikieghe andu kose. Wandu wamu werekoghe wikighamba, “Johane M'baputizi waruka kufuma kwa wafu, na kwa wundu ughu, niko ndighi iri rawuyabonya kazi andenyi kwake.”

MARKO 6:17

Angu aho imbiri, Herode oredumieghe Johane uwado, ukamfunga kifungonyi kwa wundu ghwa Herodia mka Filipo mruna Herode; kwa kukaia oremlowueghe uo mka-mruna.

MARKO 6:19

Nao Herodia ukammenya Johane loli-loli, ukakunda kum'bwagha, ela ukalemwa.

MARKO 6:22

Mwai wa Herodia ukangia, ukavina na kumrira Herode na waghenyi wake wose werekwanyeghe nao wikija vindo. Mzuri ukamzera uja mwai, “Nilombe icho chose kukunde, nani nichakuneka.”

MARKO 8:15

Jesu ukawilaghira ukighamba, “Zighanenyi mkulindie na chachu ya Mafarisayo na ya Herode.”

LUKA 13:1

Ngelo ija cheni, korekoghe na wandu wamu weremghorieghe Jesu malagho gha Wagalilaya werebwaghiloghe ni Pilato; iji werekoghe wikibwagha nyamandu ra vizongona vawo.

LUKA 13:31

Ngelo iyo cheni, Mafarisayo wamu weremchieghe Jesu wikamzera, “Fuma aha kughende, angu Herode ookunda kukubwagha.”

LUKA 23:11

Niko Herode andwamweri na masikari ghake wikamseka Jesu na kumsholia, wikamrusha nguwo iboie, wikammbunja kwa Pilato.

LUKA 23:7

Uendamanya angu Jesu waafuma isanga jibonyerwagha nguma ni Herode, ukamghenja kwake, nao moni ngelo iro orekoghe ukikaia Jerusalemu.

LUKA 3:1

Erekoghe mwaka ghwa ikumi na isanu ghwa kubonya nguma kwake Kaisari Tiberia. Pontio Pilato orekoghe m'baa wa Judea, na Herode m'baa wa Galilaya, na mruna Filipo m'baa wa isanga ja Iturea na Trokoniti, na Lusania m'baa wa Abilene.

LUKA 8:3

na Joana mkake Kuza, m'baa wa kazi wa Herode, na Susana, na wazima wengi werekufunyireghe kumdumikia kwa mali rawo.

MABONYO GHA WADUMI 12:1

Kaavui na ngelo iyo cheni, mzuri Herode ukazoya kuwitirira wandu wamu wa Ikanisa.

MABONYO GHA WADUMI 4:27

Angu loli Herode na Pontio Pilato, chiaimweri na wandu wa mbari zima na Waisraeli, werekwanyikieghe andenyi ya muzi ughu wilo na mdumiki wako Jesu, uo koremshingieghe mavuda.