MATHAYO 14:29 - Biblia Ilagho Jiboie Kwa Wandu Wose

²⁹ Jesu ukamzera, “Choo!” Nao Petro ukafuma ishuonyi, ukazoya kughenda kwa Jesu aighu ya machi.

MATHAYO 14:29 ပူးပေါင်းရင်းမြစ်များ

MATHAYO 14:28

Petro ukamzera, “Bwana, ngera ni oho kumoni, nizere niche kwako aighu ya machi.”

MATHAYO 14:30

Ela iji wawona kuja kuweta kwa mbeo mbaa, ukaobua ukazoya kuvululia cha machinyi. Nao ukakema ukighamba, “Nikire Bwana!”

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

MATHAYO 21:21

Jesu ukawizera, “Namghoria loli, mkakaia na irumirio, msebonyagha kiture chingi, mwadima kubonya si seji yabonyeka kwa ughu mtini tu, ela hata mkaghuzera mghondi ughu, ‘Kuka kukukumbe baharinyi’ jichabonyeka.

MARKO 9:23

Jesu ukamzera, “Ngera kwadima! Nechi maza rose radimika kwa uhu urumiriagha.”

LUKA 17:6

Bwana ukaghamba, “Ngera modeeka na irumirio jing'ane sa ndembe ya haradali, kumangu mwaghuzera muku ughu, ‘Kuka kuwalo baharinyi’ nagho kumangu ghwamsikira.”

MABONYO GHA WADUMI 3:16

Na kwa ndighi ra irina jake, na irumirio jiko kwa ijo irina jake, jamneka ndighi mundu uhu mwawuyammbona na kummanya; na ijo irumirio jiko kwa chia ya Jesu, jamneka mundu uhu wubanana ghukate mesonyi konyu inyo mmbose.

WAROMA 4:19

Ngelo iyo orekoghe mundu wa irika sa ja miaka ighana, ela sena nderepungukiloghe ni irumirio kwa kuririkanya aighu ya mumbi ghwake, ugho ghorekoghe sa ghwa mundu ufue wori; hata aighu ya Sara, uo orekoghe kolowi.

WAFILIPI 4:13

Nadima kubonya maza rose kwa uo unidimishagha.