MATHAYO 14:14 - Biblia Ilagho Jiboie Kwa Wandu Wose

¹⁴ Hata umeria kuvika pwani, ukawona izungu ibaa ja wandu ukawifuya wughoma, ukawiboisa wakongo wawo.

MATHAYO 14:14 ပူးပေါင်းရင်းမြစ်များ

MATHAYO 14:15

Luma lwa kenyi luendavika, wanughi wake wikamghendia wikamzera, “Andu aha ni kireti na ndoe yaswa. Idana laghana na wandu wighende wikughuye vindo mizinyi.”

MATHAYO 4:23

Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.

MATHAYO 9:36

Nao iji wawizighana wandu, ukawiwona wasirimwa na kusaghisika, ukawadwa ni wughoma angu werekoghe sa ng'ondi risewadie mlisha ungi.

MARKO 6:34

Hata iji Jesu wafuma ishuonyi, ukawona izungu ibaa, ukawadwa ni wughoma, angu werekoghe sa ng'ondi risewadie mlisha ungi. Ukazoya kuwifundisha maza nyingi.

MARKO 9:22

Na kalazi koni yadamkumba modonyi na machinyi kukunda kumtotesha, ela oho ngera kwadima ilagho jingi, kudifue wughoma kuditesie.”

LUKA 19:41

Nao iji wavika kaavui na ghuja muzi na kughuwona ukaghulilia,

LUKA 7:13

Bwana uendawona uja muka, ukangilwa ni wughoma m'baa, ukamzera, “Leka lila.”

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

WAEBRANIA 5:2

Kwa kukaia uo moni ni mnyonge, wadima kurumaghianya na wandu wisemanyagha, na awo wikosagha.