MATHAYO 13:8 - Biblia Ilagho Jiboie Kwa Wandu Wose

⁸ Ela rimu rikapotoka ndoe iwurue, rikabuka na kuva; imu ighana, na imu mirongo irandadu, na imu mirongo idadu.

MATHAYO 13:8 ပူးပေါင်းရင်းမြစ်များ

KUZOYA 26:12

Isaaka ukawa vindo andenyi ya isanga jija, na ugho mwaka ghoni ukakuwida mando ighana kuchumba seji orewaeghe. BWANA ukamrasimia,

MATHAYO 13:23

Na ija mbeu iwalo ndoe iwurue, ni sa mundu usikiragha ijo ilagho, najo jamtambukia, nao wadava matunda kwa ighana, na kwa mirongo irandadu, na kwa mirongo idadu.”

MATHAYO 13:7

Rimu rikapotoka midinyi ya minjwa; na iyo midi ikazoghua ikaribwagha.

MARKO 4:20

Ela wamu ni sa rija mbeu rerewaloghe ndoe iwurue. Awo wajisikira jija ilagho na kujirumiria; nawo wava umu mirongo idadu, na umu mirongo irandadu, na umu ighana.”

MARKO 4:8

Rimu rikapotoka ndoe iwurue, rikazoghua, rikiva na kuchurikia; rikava imu mirongo idadu, na imu mirongo irandadu, na imu ighana.”

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

LUKA 8:8

Na rimu rikapotokia ndoe iwurue, rikazoghua na kuva ighana ighana.” Nao Jesu ukameria ukighamba, “Uo uko na madu ghesikira ndesikire.”

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

WAROMA 7:18

Naichi andenyi kwapo, nako ni andenyi ya mumbi ghwapo, kilambo chingi kicha ndechikaiagha anduangi.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.