MATHAYO 13:57 - Biblia Ilagho Jiboie Kwa Wandu Wose

⁵⁷ Nao wikaleghana nao. Ela Jesu ukawizera, “Mlodi ndesowagha ishima anduangi, isaakaia ni kwa isanga jake na kwa wandu wa nyumbenyi kwake!”

MATHAYO 13:57 ပူးပေါင်းရင်းမြစ်များ

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

ISAYA 8:14

Ini moni kwa wundu ghwa wueli ghwake, nichakaia igho ja makuwisho, na lwala lokuwisha kwa wuzuri ghwa Juda na Israeli; nani nichakaia mdegho na shaghala kwa awo wose wikaiagha Jerusalemu.

MATHAYO 11:6

Warasimilwa uo mundu useko na ngera nani.”

MATHAYO 13:58

Aho nderedimieghe kubonya weke mwakilimbiti wengi, kwa wundu ghwa kulegha kurumiria kwawo.

MARKO 6:1

Jesu ukafuma aja, ukaghenda isanga jake jeni, na wanughi wake wikanughana nao.

MARKO 6:14

Nao mzuri Herode ukasikira iro maza, angu irina ja Jesu jeremanyikieghe andu kose. Wandu wamu werekoghe wikighamba, “Johane M'baputizi waruka kufuma kwa wafu, na kwa wundu ughu, niko ndighi iri rawuyabonya kazi andenyi kwake.”

MARKO 6:3

Uhu si uja msaramala, mwana wa Maria, mruna Jakobo, Jose, Juda na Simoni, hata na waruna wa waka ndedikwanye aha mzedu anguwada?” Nao wikaleghana nao.

MARKO 6:4

Jesu ukawizera, “Mlodi ndesowagha ishima anduangi, ela wadajisowa isangenyi kwake, na kwa kichuku chake, na nyumbenyi kwake.”

LUKA 4:24

Ukaghamba, “Namghoria loli, ndekuwadie mlodi ungi urumirikiagha isangenyi jake jeni.

LUKA 7:23

Warasimilwa uo mundu usekuwagha kwapo.”

JOHANE 4:44

angu uo moni oreghorieghe, “Mlodi ndenekwagha ishima andenyi ya isanga jake anduangi.”

JOHANE 6:42

Wikaghamba, “Welee, uhu suo Jesu mwana wa Josefu, ndee na mae diwiichi? Yakaia wada uo kudizera waserie kufuma mlungunyi?”

JOHANE 6:61

Jesu ukimanya moni angu wanughi wake werekoghe wikizughunukia malagho agho ukawizera, “Welee, agha ghaamkuwisha?