MATHAYO 13:55 - Biblia Ilagho Jiboie Kwa Wandu Wose

⁵⁵ Welee, uhu suo uja mwana wa msaramala? Mae ndewangwagha Maria, na waruna si weke Jakobo, Josefu, Simoni, na Juda?

MATHAYO 13:55 ပူးပေါင်းရင်းမြစ်များ

ZABURI 22:6

Ela ini ne mng'ori, se mdamu ungi anduangi; niasekwa na kumenywa ni wandu.

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

MATHAYO 27:56

Wamu wawo ni Maria Magdaleni, na Maria mae Jakobo na Josefu, na mae wana wa Zebedayo.

MARKO 15:40

Waka wamu werekoghe kakula wikizighana, na aghadi yawo werekoghe Maria Magdaleni, na Maria mae wawo Jakobo mtini, na Jose, na Salome.

MARKO 15:47

Maria Magdaleni na Maria mae Jose, wikawona andu orewikiloghe.

MARKO 6:3

Uhu si uja msaramala, mwana wa Maria, mruna Jakobo, Jose, Juda na Simoni, hata na waruna wa waka ndedikwanye aha mzedu anguwada?” Nao wikaleghana nao.

LUKA 1:27

kwa mwai uwangwagha Maria, orelowolwagha ni mndumu uwangwagha Josefu, wa kivalwa cha Daudi.

LUKA 24:10

Awo werewighorieghe wadumi maza iri werekoghe Maria Magdaleni, na Joana, na Maria mae Jakobo, andwamweri na waka wamu wazima.

LUKA 3:23

Jesu ukizoya wudumiki ghwake orekoghe mundu wa miaka sa mirongo idadu, ukiririkanywa kukaia mwana wa Josefu, mwana wa Heli.

LUKA 4:22

Na wose wikamghora nicha, wikishinika kwa wundu ghwa agho malagho gha mvono orekoghe ukighighora; wikaghamba, “Welee, uhu suo moni mwana wa Josefu?”

LUKA 8:20

Ukaghorelwa, “Mayo na wanyinyu weko shighadi wawuyakulola wikunde kukuwona.”

JOHANE 19:25

Kaavui na msalaba ghwa Jesu werekaieghe kimusi mae, mruna mae, Maria mkake Kleopa, na Maria Magdaleni.

JOHANE 6:42

Wikaghamba, “Welee, uhu suo Jesu mwana wa Josefu, ndee na mae diwiichi? Yakaia wada uo kudizera waserie kufuma mlungunyi?”

JOHANE 9:29

Isi daichi angu Mlungu oreghorieghe na Musa, ela mundu uhu ndediichi andu ufumagha anduangi.”

WAGALATIA 1:19

Nani seremmbonieghe mdumi ungi mzima, ela Jakobo moni, mruna Bwana.

JUDA 1:1

Ini Juda mdumiki wa Jesu Kristo mruna Jakobo, nawiandikia awo wandu wiwangilo, wikundo ni Mlungu uja Aba, na kulindilwa kwa wundu ghwa Jesu Kristo.