MATHAYO 13:52 - Biblia Ilagho Jiboie Kwa Wandu Wose

⁵² Nao ukawizera, “Niko huwu, kula mwalimu wa Sharia uwuyagha mnughi wa wuzuri ghwa mlungunyi, oofwanana na mundu wa nyumba, ufunyagha kwa mali rake vilambo viwishi na va kala.”

MATHAYO 13:52 ပူးပေါင်းရင်းမြစ်များ

EZRA 7:10

Uo Ezra orekoghe wapata ngolo ekufundisha Sharia ya BWANA, na kuikatisha, upate kufundisha malaghiro na mawonyero gha BWANA andenyi ya Israeli.

EZRA 7:21

“Na ini, Mzuri Artashasta nafunya momu kwa wawiki pesa wose wa isanga ja magharibi ya Moda ghwa Eufrate huwu: Ijo jose Ezra mkohani na mwalimu wa Sharia ya Mlungu wa mlungunyi uchaajikunda konyu, mjibonye kwa kufunga ndighi kose.

EZRA 7:6

Uo Ezra, orejokieghe Jerusalemu kufuma Babuloni. Orekoghe mwalimu wa Sharia ukufudishire sharia ya Musa loli-loli, iyo BWANA Mlungu oreifunyireghe; mzuri ukamneka vose orelombieghe angu orekoghe na irasimio ja BWANA Mlungu wake.

MAKATANISHO 11:30

Mabonyo gha mhachi ghadareda irangi; kulegha sharia kwadareda kifwa.

MAKATANISHO 15:7

Wandu wa hikima wadaeresha kumanya, ela wakelu ndewibonyagha huwo.

MAKATANISHO 18:4

Madedo gha mundu, ni sa ndiwa ya machi ghimilie, ela ndoria ya hekima ni kamoda ka machi ghiidagha.

LUMBO 7:13

Tunguja ranuka nicha, matunda ghose ghiboie gheeka kaavui mnyangonyi kodu; nakuwikia mawishi na gha kala mkundwa.

MATHAYO 12:35

Mundu mucha wadafunya malagho mecha kufumanya na ghaja mecha uko nagho, na wokoni mundu mmbiwi kufumanya na ghuja wuwiwi uko nagho wadafunya maza rizamie.

MATHAYO 13:51

Niko Jesu ukawikotia, “Welee, agha ghose ghamtambukia?” Wikamtumbulia, “Ee.”

MATHAYO 13:53

Nao iji Jesu wameria kughora iyo mifwano yose ukafuma aja,

MATHAYO 23:34

Kwa huwu nichamdumia walodi na wandu wa hikima na walimu, ela wamu wawo mchawibwagha na kuwisulubisha, na wazima mchawikaba na viboko andenyi ya masunagogi ghenyu na kuwitirira muzi kwa muzi.

MATHAYO 28:19

Idana ghendenyi m'bonye wandu wa mbari rose wikaie wanughi, mkiwibaputiza kwa irina ja Aba, na ja Mwana, na ja Roho Mweli;

LUKA 11:49

Kwa wundu ughu hikima ya Mlungu ereghambieghe, ‘Nichawidumia walodi na wadumi; wamu wawo wichawitirira na kuwibwagha,’

JOHANE 13:34

Momu mmbishi namneka inyo: Kundanenyi mmbeni na mmbeni; sa iji koni neremkundieghe, nenyo mkundane woruwo.

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

WAEFESO 3:4

Iji mwaghishoma malagho niandikie, mwadima kuwona seji nipatire kumanya iyo ngasu ya Kristo.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WAKOLOSAI 1:7

sa iji koni morekufundishireghe kufuma kwa Epafra mkundwa na mngara odu kwa wudumiki. Uo, ni mdumiki mloli wa Kristo wulalo ghodu,

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

1 TIMOTHEO 3:6

Usekaie mundu ughalukie kafwani, usechekalikia na kukujosa, nao uchetanywa sa Ibilisi.

TITO 1:9

Suti ukaie mundu ujiwadiagha nicha ijo ilagho ja loli jirumirikie, seji koni ufundishiro; eri udime kufundisha mafundisho gha loli, na wokoni udime kuwisima kwa kuwiwonyera makosa awo wijitangalagha.