MATHAYO 13:44 - Biblia Ilagho Jiboie Kwa Wandu Wose

⁴⁴ “Wuzuri ghwa mlungunyi ghwafwanana na mali ivisiro mbuwenyi. Mndumu uendaiwona, ukaivisa sena; ukaghenda kwa kuboilwa, ukauza vilambo vake vose orekoghe navo, ukaighua ija mbuwa.

MATHAYO 13:44 ပူးပေါင်းရင်းမြစ်များ

AYUBU 28:13

Mdamu ndeichi zoghori ya hikima, hikima ndeiwonekagha wandunyi anduangi.

MAKATANISHO 16:16

Kupata hikima kwaboie, kwachumba dhahabu, na kutambukilwa kuchumba feza.

MAKATANISHO 17:16

Eko fwaidaki mkelu kukaia na pesa reghua kishomo, ikakaia usene haja ekufundisha?

MAKATANISHO 18:1

Mundu okutanya na wambao, ookukunda moni; nderumiriagha ilagho jingi ja hachi.

MAKATANISHO 23:23

Kughuo loli, ela kuseiuze; pata hikima, mafundisho, na kutambukilwa.

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

MATHAYO 13:24

Jesu ukawighoria wandu mfwano mzima, “Wuzuri ghwa mlungunyi ghwafanana na mundu orewaeghe mbeu ndicha mbuwenyi kwake.

MATHAYO 13:46

Hata iji waiwona lulu imu ya zoghori mbaa, ukaghenda ukauza vilambo vake vose orekoghe navo, ukaighua ija lulu.

MATHAYO 13:47

“Sena wuzuri ghwa mlungunyi ghwafwanana na nyavu erekumbiloghe baharinyi, ikawada mbari rose ra samaki.

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

MATHAYO 19:27

Nao Petro ukamzera, “Zighana isi dasighie vose dikakunugha, dipata kii?”

MATHAYO 19:29

Na kula umu usighie nyumba, angu waruna wa womi na wa waka, angu ndee, angu mae, angu wana, angu mbuwa kwa wundu ghwapo; uchapata mando ighana na kuchumba chiaimweri na irangi ja kala na kala.

MATHAYO 6:21

Angu andu koni mali rako riko, nikokoni na ngolo yako ichaakaia wori.

LUKA 14:33

Ni huwo koni uo ose usesighagha vose uko navo, ndedimagha kukaia mnughi wapo anduangi.”

JOHANE 6:35

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.

WAROMA 15:4

Angu ijo jose jereandikiloghe kala, jedeandikwa jikaie mafundisho kodu; dipate kukaia na isuwirio kwa chia ya kurumaghia na kukumbwa ngolo ni agho Maandiko.

WAKOLOSAI 2:3

andenyi kwake uo raviswa mali rose ra hikima na kumanya.

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

WAEBRANIA 10:34

Angu morekoghe na wughoma na wafungwa, mkarumiria kusokwa mali renyu kwa kuboilwa; kwa kukaia inyo mmbeni moremanyireghe angu moko na mali riboie kuchumba, riduagha.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.