MATHAYO 13:22 - Biblia Ilagho Jiboie Kwa Wandu Wose

²² Na ija mbeu ipotokie midinyi ya minjwa, ni sa mundu ujisikiragha ijo ilagho, ela masumbuko gha irangi iji na bea ra mali rajibwagha ijo ilagho, najo ndejivagha matunda ghangi anduangi.

MATHAYO 13:22 ပူးပေါင်းရင်းမြစ်များ

ZABURI 52:7

“Wonenyi mundu uleghie kum'bonya Mlungu ukaie andu kwake kokimbiria; ukadakusaghika na wungi ghwa mali rake, na kukusaghika na wuwiwi ghwake.”

ZABURI 62:10

Mserumirie chia etumia ndighi, angu kukaia na isuwirio kwa chia esoka; mali rikachurikia msakerisuwiria.

MAKATANISHO 11:28

Uo ukusaghikagha na mali rake, richasia, ela mhachi, uchadeghedeka sa ilemba iwishi.

MAKATANISHO 23:5

Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

MCHILI 4:8

Mundu hoyu ooka uekeri; ndewadie mwana hata mruna; ela sena waawuyabonya kazi ngelo rose usekatwagha ni mali uko naro. Ubonyera ani kazi na ndighi huwu ukikuima raha ingi? Agha nagho ni malagho gha duu; ni irangi ja wasi.

JEREMIA 4:3

Kwa wandu wa Juda na awo wikaiagha Jerusalemu BWANA waghora huwu: “Chimbenyi ndoe renyu, msewe mbeu renyu a minjonyi.

MATHAYO 12:32

Sena uo uchaaghora ilagho ja kumtangala Mwana wa Mdamu uchalekelwa, ela uo uchaaghora ilagho ja kumtangala Roho Mweli, ndechaalekelwa kwa wurumwengu ughu hata kwa wurumwengu ghuchagha wori.

MATHAYO 13:39

na m'maiza uo orewaeghe ijo isaka ni Ibilisi. Makuwido ni kutua kwa ngelo, na awo wikuwidagha ni weke malaika.

MATHAYO 13:40

Sa iji koni ijo isaka jifungwagha na kukorwa modonyi, niko koni ichaakaia kutua kwa ngelo;

MATHAYO 13:7

Rimu rikapotoka midinyi ya minjwa; na iyo midi ikazoghua ikaribwagha.

LUKA 12:15

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

LUKA 12:21

Ni huwo koni kwa uo ukuwikiagha moni mali, useko na mali ingi kwa Mlungu anduangi.”

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.

LUKA 8:14

Iri rerepotokieghe minjonyi, ni sa wandu wijisikiragha ilagho, ela wikighenda woruwu wachulwa ni maghesho na bea ra mali na maseko gha irangi iji, nao ndewiwurushagha matunda ghangi anduangi.

MABONYO GHA WADUMI 8:18

Nao iji Simoni wawona angu wandu wiammbusa Roho Mweli kwa kuwikirilwa mikonu ya wadumi, ukawineka Petro na Johane pesa ukighamba,

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

1 WAKORINTHO 1:20

Idana mundu wa hikima oko hao? Oko hao mwalimu wa Sharia? Oko hao fundi wa malagho wa matuku agha? E hoku Mlungu umerie kuwonyera wori hikima ya wurumwengu ughu kukaia ni wukelu?

1 WAKORINTHO 2:6

Elaima daghoragha na hikima kwa awa wizoghue kiroho, si hikima ya ngelo iri, angu ya wabonyi nguma wa ngelo iri wiidagha anduangi.

1 WAKORINTHO 2:8

Ni hikima isetambulo ni m'bonyi nguma ungi wa ngelo ihi, ngera edewitambukia, kumangu ndeweremsulubishagha Uo Bwana wa wubaa anduangi.

1 WAKORINTHO 3:18

Mndungi usakekukalia moni. Ngera mndungi aghadi konyu waghesha wei oko na hikima ya ngelo iri, ndewuye mkelu, eri upate kukaia na hikima.

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

WAGALATIA 1:4

uo orekufunyireghe moni kwa wundu ghwa kaung'a redu, upate kudikira na ngelo rizamie ra matuku agha, karakara na lukundo lwa Mlungu Aba odu;

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.