MATHAYO 13:21 - Biblia Ilagho Jiboie Kwa Wandu Wose

²¹ ela ndewadie miri ingi; wadakaia najo kwa ngelo vui, hata ghikacha matiriro angu kusumbulwa kwa wundu ghwa ilagho ijo, shwa wori wadajisigha.

MATHAYO 13:21 ပူးပေါင်းရင်းမြစ်များ

AYUBU 19:28

Ikakaia mooghamba munidima wada, na maza iri reeka kwapo koni,

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

MAKATANISHO 12:12

Wawiwi wadaboilwa ni kuwona wawiwi wambao wikisoka, ela mundu wa hachi wadakaia umange usenyavurikagha.

MAKATANISHO 12:3

Wuwiwi ndeghutesiagha mndungi, ela mhachi ndenyavurikagha jingi.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

MATHAYO 11:6

Warasimilwa uo mundu useko na ngera nani.”

MATHAYO 13:20

Na rija mbeu ripotokie maghonyi, ni sa mundu ujisikiragha ilagho nao wajiwusa ngolonyi kwake kwa kuboilwa,

MATHAYO 13:57

Nao wikaleghana nao. Ela Jesu ukawizera, “Mlodi ndesowagha ishima anduangi, isaakaia ni kwa isanga jake na kwa wandu wa nyumbenyi kwake!”

MATHAYO 13:6

Ela iji iruwa jajoka jikarikora, na angu miri yake iserengirieghe ndenyi rikaoma.

MATHAYO 24:13

Ela uo urumaghiagha hata kutua nuo moni uchaakia.

MATHAYO 26:31

Nao Jesu ukawizera, “Kio ichi cheni inyo mmbose mchakimbia munisighe niekeri, angu yaandikilo; ‘Nichamkaba mlisha, na ng'ondi richasaghisika.’

MATHAYO 26:33

Petro ukamzera Jesu, “Hata ngera wose wichakusigha, ela ini sichaakusigha anduangi.”

MARKO 4:17

ela ndewina miri ingi andenyi kwawo, wakaia kwa ngelo ndini. Konyuma, kukacha kutirirwa angu kusumbulwa kwa wundu ghwa ilagho ijo, ahoeni wadajisigha.

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

JOHANE 6:26

Jesu ukawitumbulia, “Namghoria loli, mwaawuyanilola, si angu morewonieghe uja mwakilimbiti anduangi, ela ni iji morejieghe ija mikate mkaghuda.

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAGALATIA 6:12

Awo wandu wikundagha kukuwonyera weni kwa maza ra mumbi, niwo wawuyamfungisha ndighi mshamisho; eri tu wisechetirirwa kwa wundu ghwa msalaba ghwa Kristo.

WAGALATIA 6:15

Angu kushamishwa na kuleghashamishwa, ndekutalikagha kukaia kindo chingi anduangi; jikundikie ni kuumbwa wuwishi.

WAEFESO 3:17

na Kristo ukaie andenyi ya ngolo renyu kwa chia ya irumirio. Nenyo mkidunga miri na kumanga kwa lukundo,

WAFILIPI 1:6

Nani neko na loli kukaia, uo oreizoeghe kazi ndicha andenyi konyu, uchadua ukiikatisha hata ijo Ituku ja Jesu Kristo.

2 TIMOTHEO 1:15

Oho kwamanya angu wandu wose wa isanga ja Asia wanisighie, aghadi ya awo, ni Fugelo na Hermogene.

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.