MATHAYO 13:11 - Biblia Ilagho Jiboie Kwa Wandu Wose

¹¹ Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

MATHAYO 13:11 ပူးပေါင်းရင်းမြစ်များ

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

ISAYA 29:10

Kwa kukaia BWANA wamerie kudia aighu konyu roho ya dilo nyingi, nao wamerie kughitungurisha meso ghenyu inyo walodi msewone, na kufinikira vongo venyu inyo wawoni.

ISAYA 29:11

Mafunuo ghose gha wulodi ghamerie kuviswa konyu, karakara na chuo chikabilo mhuri. Mndungi uichi kushoma ukanekwa chuo icho ukizerwa uchishome uchaghamba, “Sidimagha kuchishoma angu chikabilo mhuri.”

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

MATHAYO 13:10

Niko wanughi wikamchea Jesu wikamzera, “Kwaki kughoragha nawo kwa mifwano?”

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

MATHAYO 19:11

Jesu ukawizera, “Si wandu wose widimagha kughiwusa mafundisho agho kungi, ela ni awo tu winekelo ni Mlungu.

MATHAYO 20:23

Nao ukawizera, “Loli mchanywa kikombe chapo, ela kusea kidombo kwa mkonu ghwapo ghwa kiwomi na kwa mkonu ghwapo ghwa kiwaka, si ini kungi nifunyagha, ela ni kwa waja weni wiwikilo ni Aba.”

MARKO 10:40

Ela kukaia kidombo mkonu ghwapo ghwa kiwomi na mkonu ghwapo ghwa kiwaka si ini kurumiria anduangi, ela ni kwa waja weni wiwikilo.”

MARKO 4:11

Nao ukawizera, “Inyo mwanekelo kuimanya ngasu ya Wuzuri ghwa Mlungu, ela awo wiko shighadi yaro, kwawo maza rose radaghorwa kwa mifwano;

LUKA 8:10

nao ukawizera, “Inyo mwanekelo kurimanya ngasu ra Wuzuri ghwa Mlungu, ela kwa wazima radaghorwa kwa mifwano, wikizighana wisewone, sena wikisikira wisetambukilo.

JOHANE 6:65

Nao ukaghamba, “Niko neremghorieghe angu mndungi ndedimagha kucha kwapo ngera userudilo ni uja Aba.”

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

MABONYO GHA WADUMI 16:14

Umu wa awo weredisikireghe orekoghe muka uwangwagha Lidia, ufumie muzi ghwa Thuatira, uuzagha vilambo va rangi ya zambarau. Muka uo orekoghe mtasi Mlungu, na Bwana ukarughua ngolo yake ughisikire malagho gherekoghe ghikighorwa ni Paulo.

WAROMA 11:25

Wanidu, nakunde mmanye maza iri rivisikie, msechekalikia kwa kumanya konyu. Kughilika kwa Waisraeli kuchakaia kwa ngelo imu, hata mtalo ghwa wandu wa mbari zima wimghalukiagha Mlungu ghukatie;

WAROMA 16:25

Idana kwa Mlungu uo udimagha kummangisha andenyi ya irumirio jenyu, karakara na ijo Ilagho Jiboie nawuyajichila ja Jesu Kristo, na karakara na wufunuo ghwa ija ngasu, iyo erevisikieghe kwa ngelo ndacha iidie;

1 WAKORINTHO 13:2

Na ngera nakaia nandighi ra wulodi, na kutambua ngasu rose, na kumanya kose; na ngera nakaia na irumirio jikatagha kuinja mighondi, nani siwadie lukundo, se kilambo chingi.

1 WAKORINTHO 15:51

Olenyi niamghoria maza rivisiro. Ndedichaafwa diwose, ela dichaghaluswa isi diwose;

1 WAKORINTHO 2:14

Mundu wa tabia ya asili, ndedimagha kughiwusa manosi gha Roho wa Mlungu, angu kwake ni wukelu; nao ndedimagha kughitambua anduangi, angu ghiatambulwa kwa chia ya Roho.

1 WAKORINTHO 2:7

Ela damfunukuya ngasu na hikima ya Mlungu ivisiro, iyo Mlungu oreilaghirieghe kwa wundu ghwa wubaa ghodu imbiri ya wurumwengu kuumbwa.

1 WAKORINTHO 4:1

Yafwane mundu udimanye huwu, kukaia isi de wadumiki wa Kristo, na wazighaniri wa iyo ngasu ya Mlungu.

1 WAKORINTHO 4:7

Kwani-lee, nani ukubonyere kuwoneke wuzima? Anguu, niki kuko nacho icho kuserenekeloghe? Da ikakaia kodenekwa-lee, kukukasiraki sena seji ndekorenekeloghe?

WAEFESO 1:18

Meso gha ngolo renyu ghineko mwengere, eri mpate kumanya wammbangie kwa isuwirio ja indoki, na ni mali rifwane wada ra ifwa ja wubaa ghwake riko andenyi ya waeli.

WAEFESO 1:9

Angu Mlungu wadimanyishire iyo ngasu ya lukundo lwake, kwa hikima yose na kumanya, kunughana na mpango ghwake oreghuwikieghe andenyi ya Kristo

WAEFESO 5:32

Ihi ni ngasu mbaa, nani naawuyaghamba kukaia yaawuyawonyera seji Kristo uko na ikanisa jake.

WAEFESO 6:19

Na kwa wundu ghwapo wori, nipate kunekwa kuighora iyo ngasu ya Ilagho Jiboie kwa wuwana;

WAKOLOSAI 2:2

eri wipate kuhoreshwa ngolo rawo kwa kuwadanishwa chiaimweri kwa lukundo, wipate iro mali rose ra kuelelwa kwa loli, na kuimanya ngasu ya Mlungu, nayo ni Kristo;

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

1 TIMOTHEO 3:9

Suti wikaie wandu wimaziragha ija ngasu ya irumirio kwa nia ielie.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

1 JOHANE 2:20

Idana inyo mwamerie kuwikwa wakfu kwa kunekwa Roho Mweli ni Kristo, nenyo mwaichi maza rose.

1 JOHANE 2:27

Ela inyo mwaduagha mmbikilo wakfu kwa kunekwa Roho Mweli, hata ndemne haja efundishwa ni mndungi; angu uo Roho Mweli mnekelo, wawuyamfundisha maza rose; nao ni wa loli, hata ndeghoragha tee anduangi; nenyo kaienyi andenyi kwake Kristo, sa iji koni umfundishire.