MATHAYO 12:50 - Biblia Ilagho Jiboie Kwa Wandu Wose

⁵⁰ Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

MATHAYO 12:50 ပူးပေါင်းရင်းမြစ်များ

ZABURI 22:22

Nichawighoria wanidu malagho kubonyere, na kukukasa andenyi ya ikwanyiko.

LUMBO 4:12

Wangolo, bibi arusi wapo, ko mbuwa irighilo isanju, na ndoria irighilo andenyi.

MATHAYO 12:49

Niko ukaghughorua mkonu ghwake cha kwa wanughi wake ukaghamba, “Awa niwo mao na wanidu!

MATHAYO 13:1

Ituku ijo jeni Jesu ukafuma iyo nyumba ukaghenda mbai na mbai ya ndiwa, ukasea kidombo.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

MATHAYO 25:45

Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’

MATHAYO 28:10

Jesu ukawizera, “Msakeobua, ghendenyi muwighorie wanidu wighende Galilaya, na aho wichaniwona.”

MARKO 3:35

Angu uo ose ulubonyagha lukundo lwa Mlungu, nuo moni mwanidu wa womi, na mwanidu wa waka na mao.”

LUKA 8:21

Ela uo ukawizera, “Mao na wanidu ni waja wijisikiragha ilagho ja Mlungu na kujibonya.”

JOHANE 15:14

Inyo moko waghenyi wapo mkabonya agho nimlaghiragha.

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

JOHANE 6:29

Jesu ukawitumbulia, “Kazi ya Mlungu niyo ihi: inyo kumrumiria uo oremdumieghe.”

JOHANE 6:40

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

WAROMA 8:29

Awo orewimanyireghe kufuma imbiri, orewisaghueghe wipate kufwanana na Mwana wake moni, eri Mwana upate kukaia wa imbiri kuvalwa aghadi ya wanidu wengi.

1 WAKORINTHO 9:5

Ndediko na hachi enughana na muka urumiriagha, karakara na wadumi wazima, na waruna Bwana, na Kefa anguwada?

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAGALATIA 6:15

Angu kushamishwa na kuleghashamishwa, ndekutalikagha kukaia kindo chingi anduangi; jikundikie ni kuumbwa wuwishi.

WAKOLOSAI 3:11

Aha ndekuwadie wuchumbano ghungi aghadi ya Mgriki na Myahudi, wandu wishamishiro na awo wiseshamishiro, wandu wisestaarabikie, na wistaarabikie, mzumba na mkitina; ela Kristo ni vose, nao oko andenyi ya vose.

1 TIMOTHEO 5:2

wakeku sa weke mayo, na wai sa wanyinyu wa waka kwa wueli ghose.

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

1 PETRO 4:2

eri kwa irangi jisigharikie, mseduo moyo kwa kunugha bea ra kidamu, ela mnughe lukundo lwa Mlungu.

1 JOHANE 2:17

Na wurumwengu ghuaida andwamweri na bea raro; ela uo ubonyagha lukundo lwa Mlungu uadua kwa kala.

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.