MATHAYO 12:36 - Biblia Ilagho Jiboie Kwa Wandu Wose

³⁶ Namghoria, Ituku ja Kutanywa, wandu wichafunya mtalo ghwa kula ilagho ja duu werejidedieghe.

MATHAYO 12:36 ပူးပေါင်းရင်းမြစ်များ

MCHILI 12:14

Angu Mlungu uchatanya kula ilagho dibonyagha jikaiagha jiboie angu jizamie; hata agho ghibonyero kivisonyi.

MATHAYO 10:15

Namghoria loli, Ituku ja Kutanywa, muzi ugho ghuchakabwa kuchumba mizi ya Sodoma na Gomora.

MATHAYO 11:22

Ela namghoria loli, Ituku ja Kutanywa, kukabwa kwa Tiro na Sidoni kukaia baa kuchumba inyo.

MATHAYO 12:37

Angu kwa madedo ghako kuchanekwa hachi, na kwa madedo ghako kuchatanywa.”

WAROMA 14:12

Kwa huwu, kula umu odu uchafunya mtalo ghwake moni imbiri ya Mlungu.

WAROMA 2:16

Huwo niko ichaakaia iji Mlungu uchaatanya maghesho gha wandu ghivisiro jija ituku, kwa chia ya Kristo Jesu; karakara na Ilagho Jiboie ijo nawuyajichila.

JAKOBO 3:6

Na lumi ni modo. Ni wurumwengu ghwa mawiwi ghuko aghadi ya via vedu; lwadaghulusha mumbi ghose, na kushekeria kuumbwa kose kuake modo kwa ndighi ya modo ghwa jehanamu.

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.