MATHAYO 12:34 - Biblia Ilagho Jiboie Kwa Wandu Wose

³⁴ Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

MATHAYO 12:34 ပူးပေါင်းရင်းမြစ်များ

ZABURI 53:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie; hata ndekuwadie ungi ubonyagha nicha anduangi.

ZABURI 64:3

Wakalisha chumi rawo sa chufu, na kuwaria madedo ghawo ghibirie sa mawanu.

ZABURI 64:5

Wakumbana ngolo weni kwa weni, kwa mipango yawo ya wuwiwi; waja malagho seji widimagha kudegha midegho yawo wikighamba, “Mndungi ndeiwonagha.

MAKATANISHO 16:23

Akili ra mundu wa hikima radam'bonya udede malagho gha akili; madedo ghake ghadaruda wandu.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

ISAYA 32:6

Mkelu wadadeda wukelu ghwake, na maghesho ghake ghadakaia aighu ya wuwiwi. Wadamsholia Mlungu na kuwisigha awo wisewadie vindo wikaie njala na awo wisewadie machi wikaie kau.

ISAYA 59:14

Daiwikie na mbai iyo loli, na hachi ikakaia kula nesi; kwa kukaia loli yamerie kulaghashwa wandunyi, wuloli ndeghuwadie wulalo.

ISAYA 59:4

Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

MATHAYO 12:35

Mundu mucha wadafunya malagho mecha kufumanya na ghaja mecha uko nagho, na wokoni mundu mmbiwi kufumanya na ghuja wuwiwi uko nagho wadafunya maza rizamie.

MATHAYO 15:18

Ela agho ghifumagha momunyi ghadafuma ngolonyi, nagho nigho ghimlushagha mundu.

MATHAYO 23:33

Inyo choka, kivalwa cha choka ra wusungu! Mchakimbia wada msepato ni uko kutanywa kwa jehanamu?

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

LUKA 3:7

Niko aho ukawizera wandu awo werechieghe uwibaputize, “Inyo kivalwa cha choka! Nani oremnekieghe njama eghikimbia agho makabo ghichagha?

LUKA 6:45

Mundu mucha kwa agho mecha gha ngolonyi kwake, wadafunya agho ghiko mecha, na mundu mmbiwi kwa ugho wuwiwi ghuko ngolonyi kwake, wadafunya agho ghiko mawiwi. Angu momu ghwadadeda agho ghichue ngolonyi.”

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

WAEFESO 5:4

Msakekaia na wuchafu ghungi, hata madedo gha kisha kisha, angu nganyi risefwanagha, ela wulalo ghwaro mumfunyire Mlungu chawucha.

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.

1 SAMUELI 24:13

Na sa iji koni ikatanisho ja wandu wa kala jighorie, ‘Wuwiwi ghwadafuma kwa Wawiwi,’ kwa huwo ini sichaakubonya kiwiwi anduangi.