MATHAYO 12:32 - Biblia Ilagho Jiboie Kwa Wandu Wose

³² Sena uo uchaaghora ilagho ja kumtangala Mwana wa Mdamu uchalekelwa, ela uo uchaaghora ilagho ja kumtangala Roho Mweli, ndechaalekelwa kwa wurumwengu ughu hata kwa wurumwengu ghuchagha wori.

MATHAYO 12:32 ပူးပေါင်းရင်းမြစ်များ

AYUBU 36:13

“Wandu wisemuichi Mlungu, wadakaia na machu, hata ukeduawineka ikabo, ndewilombagha wutesia.

MATHAYO 11:19

Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”

MATHAYO 12:31

Kwa wundu ughu namzera, wandu wichalekelwa kaung'a na masholio ghawo ghose, ela kuja kumsholia Roho ndekuchaalekelwa putu.

MATHAYO 12:8

Angu Mwana wa Mdamu nuo Bwana wa Sabato.”

MATHAYO 13:22

Na ija mbeu ipotokie midinyi ya minjwa, ni sa mundu ujisikiragha ijo ilagho, ela masumbuko gha irangi iji na bea ra mali rajibwagha ijo ilagho, najo ndejivagha matunda ghangi anduangi.

MATHAYO 13:39

na m'maiza uo orewaeghe ijo isaka ni Ibilisi. Makuwido ni kutua kwa ngelo, na awo wikuwidagha ni weke malaika.

MATHAYO 13:40

Sa iji koni ijo isaka jifungwagha na kukorwa modonyi, niko koni ichaakaia kutua kwa ngelo;

MATHAYO 13:55

Welee, uhu suo uja mwana wa msaramala? Mae ndewangwagha Maria, na waruna si weke Jakobo, Josefu, Simoni, na Juda?

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

MARKO 10:30

ima usepatagha kwa agha matuku mando ighana, nyumba, waruna wa womi na wa waka, weke mae, weke ndee, wana, na mbuwa, andwamweri na kutirirwa; sena kwa matuku ghichagha, uchapata irangi ja kala na kala.

MARKO 3:28

“Namghoria loli, wadamu wichalekwa kaung'a rawo rose, na masholio ghawo ghose;

MARKO 3:29

ela uo uchaamsholia Roho Mweli, na jingi ndechaalekelwa anduangi; angu wabonya kaung'a iduagha kwa kala na kala.”

LUKA 12:10

Na uo ose uchaaghora ilagho aighu ya Mwana wa Mdamu uchalekwa, ela uo uchaamsholia Roho Mweli, ndechaalekwa anduangi.

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

LUKA 18:30

uchapata mando mengi kuchumba agho ngelo ihi, na sena irangi ja kala na kala ngelo ichagha.”

LUKA 23:34

Nao Jesu ukaghamba, “Aba, wifuye wughoma angu ndewimanyire iji wijibonyagha anduangi.” Wikawagha nguwo rake kwa kurikabia kura.

LUKA 7:34

Mwana wa Mdamu wachee ukija, ukinywa, nenyo mwaghamba, ‘Zighanenyi mundu wa lwafuo, mmbongeri, na mghenyi wa wawadi wushuru na wakaung'a.’

JOHANE 7:12

Korekoghe na madedo mengi-mengi wandunyi kwa wundu ghwake; wamu wikaghamba, “Ni mundu mucha.” Na wazima wikaghamba, “Hata, ualaghasha wandu.”

JOHANE 7:39

(Agho oreghighorieghe kwa wundu ghwa uo Roho wechaampata awo wirumiriagha kwake. Angu Roho nderefunyiroghe kwa kukaia Jesu nderekasiroghe kande anduangi.)

JOHANE 7:52

Nao wikatumbulia, “Welee, na oho wori kwaafuma Galilaya? Zighana Maandiko kuwone ngera mlodi ungi jingi wafumie Galilaya.” [

MABONYO GHA WADUMI 3:19

Kwa huwu heenyi mghaluke, eri kaung'a renyu ripate kufutwa na matuku ghedeghedeshwa ghiche kufuma kwa Bwana;

WAEFESO 1:21

ighu nandighi kuchumba kubonya nguma kose, na kudima, na ndighi, na wuzuri, na aighu ya kula irina jiwangilo; si kwa ngelo ihi cheni anduangi, ela hata na iyo ichagha wori.

1 TIMOTHEO 1:13

hata ngera aho imbiri neremsholieghe, ngamkoronga na kumdukana, ela nerefuloghe wughoma, kwa kukaia nerekoghe ngibonya agho nisemanyagha, na kwa kusowa irumirio;

1 TIMOTHEO 1:15

Ilagho iji ni ja loli, najo jafwana kurumirilwa putu, kukaia Jesu orechieghe wurumwengunyi kukira wakaung'a; na wa imbiri wa awo wakaung'a ni ini moni;

1 TIMOTHEO 4:8

kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.

TITO 2:12

nagho ghwadifundisha kulegha mawiwi, na bea ra wurumwengu, dipate kudua moyo diko na akili ndicha, waloli, na irangi jiko na kuobua kwa Mlungu andenyi ya wurumwengu ughu;

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.