MATHAYO 12:28 - Biblia Ilagho Jiboie Kwa Wandu Wose

²⁸ Ela ikakaia nadariwinga pepo kwa ndighi ra Roho wa Mlungu, huwo mmanye angu wuzuri ghwa Mlungu ghwameria kumchea.

MATHAYO 12:28 ပူးပေါင်းရင်းမြစ်များ

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

MATHAYO 12:18

“Wonenyi mdumiki wapo uo nimsaghue wangolo wapo, uo uniboiagha ngolonyi. Nichaiwika Roho yapo aighu kwake, nao uchawighoria mbari rose matanyo ghapo gha hachi.

MATHAYO 12:29

“Angu idimika wada mundu kuingia nyumba ya mundu uko nandighi umsoke mali rake, usemfungie kande uja mundu uko na ndighi? Niko uchadima kumsoka mali rake.

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

MATHAYO 21:43

“Niko huwu namzera, Wuzuri ghwa Mlungu ghuchainjwa konyu ghuneko mbari zima ivagha matunda gharo.” [

MATHAYO 4:24

Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose.

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

MARKO 1:15

ukighamba, “Ngelo yakatia na wuzuri ghwa Mlungu ghwavika kaavui; heenyi mjirumirie Ilagho Jiboie.”

MARKO 11:10

Ndeghurasimilo ughu wuzuri ghuchagha ghwa aba odu Daudi. Hosana Uo-Uko-Aighu-Nandighi.”

MARKO 16:17

Na alama iri richawinugha awa wirumiriagha: kwa irina japo wichawinga pepo, na wichaghora na chumi mbishi.

LUKA 10:11

‘Hata na teri ya muzi ghonyu iyo yakakadia maghu ghedu damghughuduya, ela sena manyenyi angu Wuzuri ghwa Mlungu ghwameria kucha kaavui.’

LUKA 11:20

Ela ikakaia naawuyariwinga kwa ndighi ra Mlungu, aho loli Wuzuri ghwa Mlungu ghwameria kumchea.

LUKA 16:16

“Sharia na maandiko gha walodi verekoghe hata ngelo ya Johane M'baputizi; kufuma aho, malagho mecha gha Wuzuri ghwa Mlungu ghaawuyachilwa, na kula umu wadaghungia kwa kufunga ndighi.

LUKA 9:2

Ukawiduma kuchila Wuzuri ghwa Mlungu na kuboisa wakongo.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.